Syılyqqa úmitker retinde 14 pen 29 jas aralyǵyndaǵy jastar qatysyp, 10 nomınasııa boıynsha tańdaldy. Iаǵnı bilim jáne ǵylym, jýrnalıstıka, qoǵamdyq qyzmet, sport, medısına, mádenıet, kásipkerlik, óndiris salalarynda tabysty eńbek etip, óz salasy boıynsha joǵary kórsetkishterge jetip júrgen jáne eren eriktilik tanytyp, beıbit kúnde erlik kórsetken jastar konkýrsqa tústi.
Irikteýde úmitkerlerdiń óz salasynyń jáne qoǵamnyń jalpy damýyna qosqan úlesi men ınnovasııalyq ıdeıalaryna basymdyq berilip, áleýmettik mańyzdy jobalar jáne qoǵamdyq ómirge belsene qatysýy, memlekettik jastar saıasatyn júzege asyrý jáne jetildirý boıynsha qosqan jańashyl bastamalary esepke alyndy.
Baıqaý jeńimpazdary arnaıy qurylǵan komıssııa qorytyndysymen anyqtalyp, ár nomınasııa boıynsha úzdik shyqqan 10 jasqa qala ákiminiń 100 myń teńge kólemindegi syıaqysy tabystaldy.
Shara sońynda qala ákimi «Samǵaý» syılyǵynyń ıegerlerin marapatymen quttyqtap, bul syılyq belsendi jastardyń odan ári shyǵarmashylyǵyn shyńdap, saıası-mádenı, rýhanı baılyǵyn arttyrýǵa qoldaý kórsetý, kótermeleý maqsatynda taǵaıyndalyp, jyl saıyn dástúrli túrde jalǵasatyndyǵyn atap ótti.
Sonymen qatar saltanatty jıynda óńirimizdegi qoǵamdyq jumystarǵa belsene aralasyp, bilimge, ónerge, ǵylymǵa, sportqa jany qumar, azamattyq qoǵamdy qalyptastyrýda ózindik úles qosyp júrgen birqatar jastar qosymsha arnaýly nomınasııalarǵa ıe boldy.
