Qorǵanys salasy kúsheıip keledi

Brıfıngte belgili bolǵandaı, ótken oqý jylynda Qarýly Kúshterde 60 myńnan astam maman ázirlendi. Budan ózge, 200-den astam oqý-jattyǵý, áskerı kó­lik pen avtokólik tehnıkalaryn júr­gizý jóninde 16 myń sabaq ót­kizildi, 20 myń jaýyngerlik atys ótti. Sabaqtar kúndizgi jáne túngi mezgilde ótkizildi. Áskerler zamanaýı qarý-jaraqpen jaraqtanýda. Memleket basshysynyń naqty­laǵan basymdyqtary boıynsha mınıstrlik áýe shabýylyna qar­sy qorǵanysty kúsheıtpek, ásker túrleri men tekterinde radı­elektrondyq kúres ele­ment­terin damytyp, áske­rı-transporttyq avıa­sııa parki ulǵaıtylatyn bola­dy. Jaýyngerlik daıar­lyq­qa eń qajetti komponentter, atap aıt­qanda, ozyq tehnologııa­lar men quraldar engizi­ledi. Qarýly Kúshterdi jaraq­tandy­rý úde­risi josparly túr­de júrgi­zilip, áskerge el qaýip­­siz­digin qam­ta­masyz etýge múm­kindik beredi.

Mınıstrdiń aıtýynsha, bıyl 370 birlikten astam áskerı tehnıka satyp alynyp, 200 bir­likten asa tehnıka kúrdeli jóndeýden ótkizilip, jańartyldy. Qarýly Kúshterge alǵash ret «Býk» ze­nıt­tik-zymyrandyq kesheni áke­lindi. Budan ózge, elimizdiń áýe keńis­tigin baqylaýdy iske asyrý maq­satynda shaǵyn bıiktiktegi nysanalardy anyqtaıtyn «Rosa» radıolokasııalyq stansalary, sondaı-aq elimizde jasalǵan «Nur» radıolokasııalyq stansalary satyp alynyp, qarý quramy tolyqty. Artıllerııalyq barlaýdy damytý úshin qozǵalatyn nysandardy jáne batareıalarǵa qarsy kúresti barlaýǵa arnalǵan «Platforma» radıolokasııalyq stansalary ákelindi. Sonymen qatar áskerlerge zamanaýı Sý-30 SM ushaqtary, Mı-35 tik­ushaq­tary, ushqyshsyz ushý apparat­tary kelip tústi. Áskerı oqý oryn­dary robot tehnıkasy men radıo­elektrondyq kúreske basym­dyq bere otyryp, ǵylymı zertteý­ler júrgizýde.

Áskerlerde komandırlerdiń bastamasy damýda, ǵylymı jumys júrgizilýde. Áskerı maman­dar drondarǵa qarsy qarýdy, ushqysh­syz ushý apparattaryn ázirledi. Ǵylymı vzvodtar qujattardy berý­diń avtomattandyrylǵan júıesin ázirledi. Bul memlekettik qyzmet kór­setý kezinde bıýro­kra­tııalyq rásimderdi qys­qar­tady. Áleýmettik saıasattyń jańa paradıgmasy aıasynda áske­rı qyzmetshilerdiń turǵyn úı-turmystyq jaǵdaılaryn jaqsartý jónindegi jumystar jalǵasýda. Kazarmalyq-turǵyn úı qorynyń jańa obektileri, onyń ishinde jeńil modýldik qurylystar, kazarmalar, ashanalar, qoımalar, oqý jáne sport keshen­deri salynýda. Bıyl osyndaı 56 ǵımarat salyn­dy. Budan bólek, 2020 jyly úısiz jumys­tan shyqqan áskerı zeınetkerlerdi turǵyn úımen qamtamasyz etý boıynsha sharalar qabyl­dandy.

Bıyl áskerı qyzmetshilerdi áleýmettik qam­tamasyz etýge Qor­ǵanys mınıstrliginiń jyl­dyq bıýdjetinen 67 paıyz qara­jat jum­sal­dy. Qorǵanys vedoms­tvo­synyń barlyq qyzmeti bıýdjet tártibin múltiksiz saqtaýmen iske asyrylady. Qarajatty tıimdi jumsaý aıasynda kórsetkishterdi taldaýǵa, problemalar men tolyq emes esepter kórsetilgen taldaý júrgizý arqyly bıýdjettik baǵ­darlamaǵa aı saıyn monıtorıng júrgizedi. Mınıstrlik qarjy­landyrýdyń balama kózderin izdeıdi, Qarýly Kúshterdiń qury­lymyn ońtaılandyrý arqyly únemdeýge qol jetkizedi. Mem­leket-jekemenshik áriptestigi te­tigi pysyqtalýda. Bıyl 9,3 mlrd teńge únemdeldi. Bul ót­ken jylmen salystyrǵanda úsh ese joǵary.

Qorǵanys mınıstrliginde «Sıfrly ar­mııa» baǵ­darlamasy aıasynda halyqqa qyz­met kór­setetin 13 memlekettik qyzmet elektron­dy formatqa aýysty­ryldy. Endi túrli anyq­ta­malar­dy, tirkeý kýálikteri men áske­rı bı­let­terdi, áskerı esepke qoıý men shyǵarý, áskerı-tehnı­kalyq mektepterge túsýdi elek­tron­dy úkimet portaly arqy­ly re­simdeýge jáne alýǵa bolady. Avtomattandyrylǵan basqa­rý júıesiniń qoldaný aıasy keńeı­tildi.

Sóziniń sońynda Qorǵanys mınıstri otandastarymyzǵa Qarýly Kúshter – eldiń egemendigi men aýmaqtyq tutastyǵynyń, árbir qazaqstandyq otbasynyń tynyshtyǵy men senimdiliginiń kepili ekendigin aıtty.