Qazgıdromet málimetine sáıkes, 25 jeltoqsanda Soltústik Qazaqstan oblysynda aýa temperatýrasy 20-25 gradýsqa deıin kúrt tómendeıdi, oblystyń soltúginde 30 gradýs aıaz bolady.
Al kelesi kúni túnde 25-30, keı jerlerde 33 gradýs aıaz bolady.
26 jeltoqsan kúni Pavlodar oblysynda aýa temperatýrasy 30-35 gradýsqa deıin kúrt tómendeıdi, oblystyń soltústiginde 38 gradýs aıaz bolady.
Ertesinde túngi ýaqytta 32-37, keı jerlerde 40 gradýs qatty aıaz boljanyp otyr.
Sol sııaqty Aqmola oblysynda 26 jeltoqsanda aýa temperatýrasy 20-25 gradýsqa deıin kúrt tómendeıdi, oblystyń soltústiginde 30 gradýs aıaz bolady.
27 jeltoqsanda túnde 25-30, keı jerlerde 35 gradýs aıaz bolady.
Shyǵys Qazaqstan oblysynda senbi kúni aýa temperatýrasy 30-35 gradýsqa deıin kúrt tómendeıdi, aıaz bolady. 27 jeltoqsanda 37-42 gradýs qatty aıaz kóteriledi degen boljam jasaldy.
Qutqarýshylar aýa temperatýrasy qatty tómendegen kezde dalaǵa shyqpaýǵa, balalardyń kóshede júrýine jol bermeýge keńes berdi.
Budan bólek, mamandar aıazdy kúni dalaǵa qolǵapsyz, bas kıimsiz jáne sharfsyz shyqpaý qajet ekenin aıtty. Metaldan, sonyń ishinde altyn men kúmisten jasalǵan áshekeılerdi taqpaǵan durys. Sý jáne sýyq ótkizbeıtin, ishi jyly bııalaı kıgen jón. Tabıǵı materıaldan tigilgen qolǵaptar yńǵaıly bolsa da, aıazdan saqtamaıdy. Bet pen ıekti sharfpen qorǵaýǵa bolady.
Aıazda metalldan (sonyń ishinde altyn, kúmis) jasalǵan áshekeılerdi taqpańyzdar. Birinshiden, metall tez sýyq tartady, saldarnan terige jabysyp, adam jaraqat alýy múmkin. Ekinshiden, saýsaqtaǵy saqınalar qalypty qan aınalymyn tejeıdi.
