Abaı • 26 Jeltoqsan, 2020

«Abaıdyń alǵashqy kitaby» derekti fılmi kórsetiledi

123 ret kórsetildi

«Abaıdyń alǵashqy kitaby» eki bólimdi derekti fılmi efırge shyǵady, dep habarlaıdy Egemen.kz.

«Qazaqstan» Ulttyq telearnasynyń habarlaýynsha, fılm  26-27 jeltoqsan kúnderi 17:40-ta kórsetiledi.

Fılm Abaıdyń 1909 jyly Sankt Peterbýrgtegi Ilıas Boraganskıı baspasynda basylǵan alǵashqy shyǵarmalar jınaǵynyń jaryq kórý tarıhyna arnalady.

Abaı dúnıeden ótken soń, Turaǵul Abaıuly men Kákitaı Ysqaqulynyń uıymdastyrýymen el ishindegi Abaıdyń qaǵaz betine túsken shyǵarmalary jınaqtala bastaıdy. Abaıdyń shákirtteri Kókbaı, Ýáıis, Beısembaı aýzynan negizgi óleńderi jazylyp alynady. Jınaqtalǵan, júıelengen shyǵarmalardy Múrseıit Bikeuly men uly Turaǵul kóshirip, qaǵaz betine túsiredi. Bul ýaqytta Ahmet Baıtursynovtyń «Qazaq» gazetine Abaı týraly «Qazaqtyń bas aqyny» degen maqalasy jaryq kóredi.

Derekti fılmde Abaı shyǵarmalaryn jınaqtap, baspaǵa berý isine Álıhan Bókeıhanovtyń atsalysqany týraly aıtylady. Sol ýaqyttaǵy musylman ádebıetterin shyǵaratyn Ilıas Boraganskıı Álıhan Bókeıhanovtyń ótinishimen kitapqa ataqty túrkolog Platon Melıoranskııdi jaýapty redaktor etip bekitkeni týraly derekter keltiriledi. Fılm osylaısha uly Abaı murasynyń qaǵaz betine tańbalaný tarıhyn jan-jaqty baıandaıdy.

Ulttyq arna derekti fılmniń túsirim jumystaryn Shyńǵystaý óńiri, Semeı, Omby, Qazan, Sankt-Peterbýrg qalalarynda júrgizdi.

Jobada qundy mura tarıhy týraly «Jıdebaı-Bórili» qoryq-murajaıynyń dırektory Turdyǵul Shańbaıdyń, tarıhshy Sultan Han Aqqululy men abaıtanýshy ǵalym Tursyn Jurtbaıdyń pikirleri berilgen. 

Sońǵy jańalyqtar

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Máýlen Áshimbaev Qytaı halqyna kóńil aıtty

Parlament • 02 Jeltoqsan, 2022

Meksıkada 200-ge jýyq adam ýlanyp qaldy

Álem • 02 Jeltoqsan, 2022

Shekarany búkil el qorǵaıdy

Qoǵam • 02 Jeltoqsan, 2022

Aıdos Erbosynuly aýrýhanadan shyqty

Boks • 02 Jeltoqsan, 2022

Uqsas jańalyqtar