«Memlekettik ınvestısııalar aıasynda jyl sońyna deıin 2 mln sharshy metr áleýmettik turǵyn úıdi paıdalanýǵa berý josparlanyp otyr. 40 myńnan astam otbasy memlekettik qoldaýmen qamtylady, onyń ishinde 25 myńnan astamy qoljetimdi nesıelik turǵyn úı berý arqyly, 6 myń jeńildetilgen nesıe arqyly jáne 10 myńnan astam otbasy áleýmettik jaldamaly turǵyn úımen qamtamasyz etiledi», dedi Indýstrııa jáne ınfraqurylymdy damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov.
Máselen, ákimdikterdiń kezekteriniń áleýmettik osal sanattary úshin 1 882 satylmaıtyn jalǵa beriletin páterler (nemese 95 myń sharshy metr) paıdalanýǵa berildi, jyl sońyna deıin bul kórsetkishti 4 142 páterge (208,2 myń sharshy metr) deıin jetkizý josparlanýda.
2019 jyly «Nur Otan» partııasynyń HVIII sezinde berilgen Elbasy tapsyrmasy aıasynda az qamtylǵan kóp balaly otbasylardy turǵyn úımen qamtamasyz etýi jalǵasýda. Osy jyldyń 11 aıynyń qorytyndysy boıynsha 1664 páter (111,7 myń sharshy metr) salyndy jáne satyp aldy, jalpy, jyl sońyna deıin 5288 otbasyny (339,8 myń sharshy metr) qamtamasyz etý kútilýde. Sonymen qatar túrli qarjylandyrý kózderdi tartýdyń arqasynda taǵy 3868 kópbalaly otbasy baspanaly boldy.
Statıstıka málimetteri boıynsha 2020 jyldyń 11 aıynda 12,1 mıllıon sharshy metr turǵyn úı paıdalanýǵa berildi, bul 2019 jyldyń sáıkes kezeńinen 9,3% artyq.
Osy jyly baǵdarlamanyń barlyq qarjylandyrý kózderinen biryńǵaı turǵyn úı saıasatyn júzege asyrý mindeti aıasynda 15 mıllıon sharshy metr turǵyn úıdi (nemese 150 myń turǵyn úı) paıdalanýǵa berý josparlanyp otyr, bastapqy jospar boıynsha 14,1 mıllıon sharshy metr josparlanǵan bolatyn.
Sonymen qatar turǵyn úılerdi ýaqytynda paıdalanýǵa berý úshin qurylys alańdaryna qajetti ınjenerlik kommýnıkasııalardy jetkizýdi qamtamasyz etý maqsatynda 71,8 mlrd teńgege 305 joba iske asyrylýda.
