«BUUDB-ǵa Qazaqstannyń sıfrlyq salasyn damytýǵa qosqan úlesi úshin alǵys aıtamyn. Birlesken kúsh-jigerimizben elektrondyq memlekettik qyzmetter kórsetý sapasyn arttyrýǵa, qazaqstandyqtardyń barlyq jerde Internetke qol jetkizýine jáne onyń nátıjesinde memlekettik sektordyń sıfrlyq transformasııasyn jedeldetýge qol jetkizemiz. Atqarylǵan isterdiń nátıjesi qazirdiń ózinde baıqalýda. Alaıda, alda áli kóp jumystar bar», dep túsindirdi sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın.
BUUDB sıfrlandyrý salasyndaǵy jetekshi halyqaralyq sarapshylardy tartýǵa qoldaý kórsetedi, sondaı-aq Reınjınırıng jáne sıfrlyq transformasııa ortalyǵyna 200 myń AQSh dollary mólsherinde granttyq qarjylandyrý bóledi.
Yntymaqtastyq damýdyń ulttyq basymdyqtaryna jáne ornyqty damý salasyndaǵy 2030 jylǵa deıingi kezeńge arnalǵan jahandyq kún tártibine sáıkes Qazaqstandaǵy sıfrlyq transformasııany jedeldetedi dep boljaýda.
Atap aıtqanda, taraptar azamattar men bıznes ókilderiniń sıfrlyq memlekettik qyzmetterge qol jetkizýin jaqsartý, áleýmettik qorǵaý salasynda sıfrlyq sheshimderdi engizý, shalǵaı aýyldarda sapaly ınternetpen qamtamasyz etýge ınvestorlar úshin bıznes-paketter ázirleý, sondaı-aq memlekettik sektordyń sıfrlyq transformasııasyn jedeldetý maqsatynda ortalyq memlekettik organdardyń IT-departamentteri qyzmetkerlerin oqytý boıynsha jumys isteıtin bolady.
«Basqarýdy, áleýmettik qorǵaýdy jáne jasyl ekonomıkany jaqsartý úshin sıfrlyq transformasııany qoldaý - bul BUUDB-nyń is-qımyl baǵdarlamasynyń elderge turaqty damý maqsattaryna jetý jolynda qalpyna keltirýge yqpal etetin mańyzdy baǵyty», dedi Iаkýp Berısh, BUU Damý baǵdarlamasynyń Qazaqstandaǵy turaqty ókili.
Covid-19 pandemııasyna jaýap retinde Qazaqstanda BUUDB qoldaýymen ortalyq jáne jergilikti atqarýshy organdardyń 1000 memlekettik qyzmetshisi qashyqtyqtan jumys rejımi jaǵdaıynda qyzmetiniń tıimdiligin arttyrý maqsatynda negizgi sıfrlyq jáne kommýnıkasııalyq daǵdylardy damytý boıynsha oqytýdan ótti.
