Úgit-nasıhat kezeńinde partııa qatary 57 myń adamǵa kóbeıdi, qazirgi ýaqytta partııa músheleriniń sany 111 875 azamatty quraıdy. Qoldanystaǵy erejelerge sáıkes aımaqtardaǵy kezdesýlerge qatysýshylardyń sany shekteýli boldy. Degenmen, ADAL ókilderi saılaýshylarmen tikeleı kezdesýlerdiń formatyn tańdaǵandy jón kórdi. Sondyqtan Májilis depýtattyǵyna kandıdat ADAL partııasynyń 16 úmitkeri elimizdiń aımaqtaryna attandy.
О́ńir turǵyndary kóptegen problemalyq máseleni atap ótti. Kóbine turǵyndar ınfraqurylymǵa qatysty túıtkilderge – nashar joldarǵa, jalaqynyń tómendigine, memlekettik organdardyń bıýrokratııasyna jáne jeke qajettilikterge arnalǵan jerdiń jetispeýine shaǵymdandy. Sondaı-aq óńir turǵyndary qorshaǵan ortanyń nasharlyǵy men medısınalyq kómek alý máselelerin de kóterdi. Máselen, Aıyrtaý aýdanynyń turǵyndary aýyz sýdyń joqtyǵyna narazy. Halyq sýdy kólikpen tasyp ishedi. Qyzyljar óńiriniń turǵyndaryna kásipkerlik úshin jer telimin alý qıyn. Sonymen qatar aýyl turǵyndary mektep oqýlyqtarynyń sapasyzdyǵyn aıtyp shaǵymdandy.
Jalpy, kezdesýler kezinde turǵyndardyń atqarýshy organdar jumysynan beıhabar ekendigi anyqtaldy. Halyq qandaı da bir máselelerdi sheshý úshin qandaı memlekettik mekemege habarlasý kerek ekenin bilmeıdi.
ADAL partııasynyń ókilderi buǵan deıin birneshe óńirge barǵan bolatyn. Sapar barysynda turǵyndar balalarynyń mekteptegi shamadan tys júktemesine jáne oqý sapasyna kóńili tolmaıtyndyǵyn bildirdi. Sondaı-aq ata-analar balabaqshalar balalardy úsh jastan bastap qabyldaıtyndyǵyn aıtyp, al járdemaqynyń bir jylǵa deıin ǵana beriletindine shaǵymdandy.
Sondaı-aq partııa ókilderimen kezdesý barysynda turǵyndar aýyldarǵa aýyz sý jetkizilmegenin, jaryq qosylmaǵanyn aıtady. Keı óńirlerde kóp balaly analardyń da máselesi ózekti kúıinde qalyp otyr. Máselen, Almaty oblysy Balpyq bı aýylynyń turǵyny, 8 balanyń anasy bir jyldan astam ýaqyt boıy memleket usynǵan úıge qujattar ala almaı júr eken. Sondaı-aq qosylý qunynyń qymbattyǵyna baılanysty úıine gaz kirgize almaı otyr.
Shyǵys Qazaqstan oblysy Jarma aýdany, Shymyldyq aýyly turǵyndarynyń aıtýynsha, 2018 jyly aýylda kóshe jaryǵynyń baǵandary ornatylǵan, alaıda Shymyldyqta eki jyl ótse de jaryq qosylmaǵan. Sol sııaqty dál sol aýylda sýmen qamtamasyz etý máselesi de sheshimin tappaǵan. Mamandar 2019 jyly uńǵyma burǵylaǵanymen, ol da jumys istemeıdi eken. Turǵyndar osy ýaqyt ishinde ártúrli organdarǵa júgingenderin aıtady. Biraq ol áreketterinen esh nátıje shyqpaǵan.
Turǵyndar sonymen qatar ıpoteka boıynsha satyp alynǵan turǵyn úı úshin artyq tólem somasy tym kóp ekenine narazylyq bildiredi. Iаǵnı, ıpoteka alǵandar páter úshin eki ese artyq tólem jasaıdy. Aýyl halqy paıyzdyń ústemeaqy negizgi qaryzdan asyp ketetinine narazy.
Partııa atalǵan ózekti problemalardy sheshýdiń tıimdi tásilderin usynyp otyr. ADAL partııasy saılaý nátıjelerine qaramastan, joǵarydaǵy problemalardy sheshýmen aınalysýdy jalǵastyra beredi.
«Biz ár aımaq turǵyndary problemalarynyń úlken derekqoryn jınadyq, sondyqtan 7 paıyzdyq mejeden ótpesek te osy máselelerdi sheshýdi jalǵastyra beremiz. О́ńirlerdegi jobalyq keńseler formatynda jumys isteımiz», dedi depýtattyqqa kandıdat Oljas Ordabaev.
Sondaı-aq 28 jeltoqsanda Eýropalyq odaq elderiniń ókilderimen onlaın-kezdesý ótti. Partııa apparatynyń basshysy Baýyrjan Orazǵalıev ADAL partııasynyń maqsattary men mindetteri týraly aıtyp berdi. Kezdesý qorytyndysy boıynsha taraptar búkil saılaý kezeńi ishinde belsendi ózara qarym-qatynas jasaý jóninde ýaǵdalasty.
