«Uly dala júregi» kórmesinde qazaqstandyq jáne sheteldik avtorlardyń 150-den astam jumystary usynylǵan. Olardyń arasynda fotosýretteri búkil álemge taralǵan Djordj Steınmets, Antonio Politano, Sasin Tipchai, Nıkıta Basov, Týrar Kazangapov sııaqty National Geographic-tiń tanymal fotograftary, sondaı-aq tanymal otandyq fotograftar Aleksandr Kýprıenko, Batyrlan Tólegenov, Aleksandr Fılıpenko, Evgenıı Tkachenko, Aıbek Ahanov jáne basqalar bar.
Fotosýretter kúndelikti ómirdi, áleýmettik, iskerlik jáne mádenı ómirdi, elordanyń jarqyn sátterin beıneleıdi. Sonymen birge erekshe gastronomııa, sport álemi jáne qalanyń eń kórnekti jerleri usynylady.
«Uly dala júregi» fotokórmesiniń maqsaty - álemge áıgili sheteldik jáne otandyq fotograftardyń obektıvti arqyly Nur-Sultannyń jan-jaqty kórinisin kórsetý.
Is-shara barlyq sanıtarlyq normalarǵa sáıkes ótkiziledi. Uıymdastyrýshylar barlyq erejelerdi qatań saqtaý, maska taǵý, araqashyqtyqty saqtaý jáne sanıtaızerler qoldaný kerektigin eske salady.
Aıta keteıik, www.nursultankorme.kz saıty arqyly álemniń kez kelgen núktesinen onlaın rejımde Qazaqstan astanasynyń sýretterin kórýge bolady.
