Jańǵyrtý úderisterin iske asyrýǵa qyzmet etedi

Nursultan Nazarbaev Qorynyń qoldaýymen Qazaqstan Respýblıkasy Konstıtýsııalyq Keńesi, Abaı atyn­daǵy Qazaq ulttyq pedagogıkalyq ýnıversıteti, Qazaqstan-Sorbonna ıns­tıtýty uıymdastyrǵan is-sharaǵa res­pýblıkamyzdan jáne shetelden memleket qaıratkerleri qatysty.

Olardyń arasynda Qazaqstan Respýblıkasy Konstıtýsııalyq Keńe­siniń tóraǵasy Qaırat Mámı, Nursul­tan Nazarbaev Qorynyń atqarýshy dırektorynyń orynbasary, Qazaqstan Respýb­lıkasynan Eýropa Keńesi Vene­sııalyq komıssııasynyń múshesi Igor Rogov, Qazaqstan Respýblıkasy  Joǵarǵy sotynyń tóraǵasy Jaqyp Asanov, Nur-Sultandaǵy EQYU Baǵdarlamalar ofısiniń basshysy Derd Sabo, Grýzııa Konstıtýsııalyq sotynyń halyq­aralyq keńesshisi, eks-tóraǵa Geor­gıı Papýashvılı, Reseı, Qyrǵyz Respýb­lıkasy joǵary oqý oryndarynyń basshylary, professorlary jáne t. b. bar.

Dóńgelek ústel barysynda qaty­sý­shylar Konstıtýsııanyń negizgi bó­lim­­derine, olardyń Tuńǵysh Prezı­dent Nursultan Nazarbaevtyń basshy­lyǵymen memlekettik basqarýda qol­danylýy, sondaı-aq Elbasynyń jańa Qazaq­standy qurýdaǵy róline toqtalyp, taldaý jasady.

Forýmdy alǵysózben ashqan Kons­tıtýsııalyq Keńestiń tóraǵasy Qaırat Mámı bıylǵy jyly Negizgi Zańnyń mereıtoıy Konstıtýsııalyq Keńestiń 25 jyldyǵymen tuspa-tus kelgenin atap ótti. Osy jyldarda Konstıtýsııalyq Keńes qyzmeti konstıtýsııalyq qundy­lyqtardy iske asyrýǵa baǵyttaldy. Onyń sheshimderi qazirgi qazaqstandyq memlekettiliktiń barlyq quramdas bólikterin tolyq túsinýge jáne iske asyrýǵa yqpal etti. Osy kezeńde perspek­tıvaly baǵyttardyń biri zańdardyń kons­tıtýsııalyǵyn tekserý týraly usynystarmen birge sottardyń keńeske júginýi ınstıtýtynyń tıimdiligin arttyrý boldy. Konstıtýsııalyq qaǵıdattar turǵysynan zańǵa túsinik berý de ózekti, dep sózin túıindedi Qaırat Mámı.

Is-shara moderatory Igor Rogov qordyń atqarýshy dırektory Qanat Jumabaevtyń úndeýin oqy­dy: «Nursultan Nazarbaev usynǵan damý­dyń saıası vektorynyń ıdeologııasy men ulttyq rýhanı qundylyqtar eli­mizdiń Negizgi Zańynda kórinis taýyp qana qoımaı, shynaıy ómirde tolyq kólemde iske asyryldy. Elba­sy­­nyń syndarly saıasatyn naqty usta­nýynyń, ultaralyq tatýlyq pen kelisimdi, Qazaqstannyń ashyqtyǵyn jáne halyqaralyq yntymaqtastyqqa daıyn­dyǵyn qamtamasyz etýge umty­lysynyń arqasynda memleketimiz joǵary halyqaralyq bedelge ıe bolyp, eldiń áserli damýyn qamtamasyz etti».

Onyń aıtýynsha, Qazaqstan Konstı­týsııasyn buljytpaı oryndaý, sondaı-aq Konstıtýsııalyq Keńestiń onyń basty erejelerine sáıkes keletin zańdardyń qabyldanýyn qamtamasyz etýge naqty baqylaý júrgizýi memlekettiń údemeli damýynyń mańyzdy negizine aınaldy.

Bul oıdy onlaın-kezdesýdiń basqa da qatysýshylary rastady. Olar Konstıtýsııalyq Keńes qyzmetiniń 25 jyl ishinde konstıtýsııalyq baqylaý fýnksııalary sátti oryndalǵanyn atap ótti. «Bul azamattardyń birli­gin nyǵaıtýǵa, quqyqtary men bostan­dyqtaryn qorǵaýǵa yqpal etti», dep atap ótti spıkerler.

Dóńgelek ústeldi talqylaý kezinde elimizdiń Negizgi Zańy Qazaqstannyń táýelsizdik tańyndaǵy qaýip-qaterler men qyr kórsetýlerge shyn máninde batyl «jaýaby» bolǵany týraly oı basqosýdyń negizgi ózegine aınaldy. Respýblıka qundylyqtardy, basym­dyqtardy aıqyndap jáne olardy Konstıtýsııada baıandy ete otyryp, ózi­niń damý jolyn tańdady.

Sheteldik sarapshylar Negizgi Zańnyń irgeli negizderi búgingi kúni de memlekettiń qazirgi jáne bolashaq jańǵyrtý úderisterin iske asyrýǵa qyzmet etedi degen oılarymen bólisti.