О́nim sapasy joǵary bolýy tıis

Aýdandyq máslıhat depýtatty­ǵyna kandıdat Meńdibaı Qopabaev Aqmola oblysy Balkashıno aýyly­nyń turǵyndarymen kezdesip, partııa baǵ­darlamasyn tanystyryp, aýdan­nyń máselelerin sheshý boıynsha óz usynystaryn jetkizdi.

Esil qalalyq elektoratymen Esil aýdandyq máslıhatyna kandı­dat­tar Sánııa Ismaılova men Samat Jor­tym­baev kezdesti. Olar par­tııa­nyń áleý­met­tik memleket qurý jó­nin­degi on bas­tama­syna jáne bir­qatar ózge­­risterge toqtal­dy. QHP maq­sat­tary men mindet­terin túsindirip, kandı­dattar elek­torat­tyń tilekterin tyńdap, qoıyl­ǵan su­raq­tarǵa jaýap berdi. Ereımen­taý qalasynda «Bola­shaq stroı plıýs» eńbek ujy­my­men kez­desý ótti. Ereımentaý más­lı­haty­nyń depýtattyǵyna kandı­dat Iýlııa Kar­kavına QHP tuǵyrna­masy­men tanys­tyryp, úgit materıal­daryn taratty. Partııanyń 20 sotyq jer berý jáne turǵyn úı máselesin sheshý týraly usynysy kópshiliktiń úlken qyzy­ǵý­shy­lyǵyn týdyrdy. «Biz halyq par­tııa­­symyz jáne qarapaıym jumys adamdaryna jaqyn bolýymyz kerek. Olardyń múddelerin qorǵaýymyz qajet», dedi ol.

QHP-nyń Shymkent qalalyq saılaýaldy shtaby Parlament Májilisi men máslıhattar depýtattyǵyna kandıdattardyń qatysýymen «Halyq partııasy – halyqpen birge!» aksııasyn ótkizdi. Partııa jastar qanatynyń ókilderi, shtab belsendileri, senimdi ókilder men partııa kandıdattary úgit-nasıhat sharasyna qatysty. Onyń maqsaty – saılaýshylardyń nazaryn áleýmettik memleket qurý jónindegi partııa bastamalaryna aýdarý. Aksııa Qazaqstandaǵy eń bıik eskertkishterdiń biri Báıdibek bı eskertkishiniń janynda ótti. Jınalǵandar «Halyq, jer, ádildik!», «Halyq partııasy – halyqpen birge!» dep urandady. «Elimizge ózge­rister kerek. Qazaqstandyqtar jaq­sy ómir súrýge laıyq. Qazaqstan halyq partııasy qarapaıym adam­nyń múddesi qorǵalatyn memleket qurý­dy qoldaıdy», dep aksııany qory­tyndylady Májilis depýtattyǵyna kandıdat Nurlan Qadyrqulov.

Qazaqstan halyq partııasynan Parlament Májilisiniń depýtattyǵyna kandıdattar Kókshetaýdaǵy «Novopek» JShS kásipornynda boldy. Munda polıpropılen qaptary, bıg-begter (jumsaq konteınerler) shyǵarylady. Partııa múshelerine óndiristik prosess kórsetildi. Olar qyzmetkerlerde qandaı problemalar men qıyndyqtar baryn surady. Sondaı-aq «Jalaqy ýaqytynda tólene me?», «Zeınetaqy qoryna aýdarymdar jasala ma?» degen suraqtarǵa jaýap aldy. Atalǵan óndiristiń ónim sapasyn jaqsartý, ónim suranysyn arttyrý máseleleri de talqylandy. «Biz kez kelgen kásiporynnyń negizgi mindeti óndiristiń tolyq sıklyna jáne ekonomıkalyq táýelsizdikke qol jetkizý dep sanaımyz. Otandyq kompanııalardy qoldaý maqsatynda Qazaqstan halyq partııasy birqatar prınsıpti máselelerdi kóteredi. Bıznestiń jańa qatysýshylary úshin ruqsat berý qujattaryn, DSU jáne EAEO normalaryn saqtaı otyryp, salyq jáne keden bajdaryn tóleýdi eki jylǵa alyp tastaý qajet. Qosylǵan quny joǵary jáne 90 paıyzdan astam oqshaýlandyrylǵan taýar shyǵaratyn óndirýshiler úshin salyqtyq jáne kedendik paıyzdyq mólsherlemelerdi tómendetý kerek», dedi Qazaqstan halyq partııasy atynan depýtattyqqa kandıdat O.Syzdyqov.

QHP otandyq kásiporyndar ónim sapasyn jaqsartý úshin únemi jumys isteýi kerek, jarnamalyq naýqan men ónimdi jyljytýǵa basa nazar aýdarýy qajet dep sanaıdy. «Reformalardy tıimdi iske asyrý jáne ekonomıka­nyń naqty sektoryn retteý úshin memlekettik jáne kvazımemlekettik shyǵystardy ońtaılandyrý qajet», dedi Májilis depýtattyǵyna kandıdat J.Ahmetbekov.