Túsindirý jumystaryn júrgizdi

Partııanyń saılaýaldy baǵdarlamasynda aýyldy keshendi damytý, jastardy qoldaý jan-jaqty qam­tyl­ǵan. Máselen, partııa baǵ­darlamasynda jas otbasylarǵa turǵyn úı alýǵa jáne turǵyn úı jaǵdaıyn jaqsartýǵa, al aýylǵa kóship barǵandarǵa úı alýǵa jáne úı sharýashylyǵyn qalyptastyrýǵa, aýylda bıznes ashýǵa paıyzsyz nesıe berý baǵdarlamasyn engizý kózdelgen.

Kezdesýde sóz sóılegen Qanat Tasybekov bul bas­tama júzege asatyn bolsa el tiregi aýyl jastarynyń áleý­mettik máseleleriniń sheshi­lýine tikeleı jol ashylady dep esepteıtinin jetkizdi. «Elimizdiń jastary memlekettiń bolashaǵy dep aıtyp júrmiz. Bul tek qala jastaryna qatys­ty emes ekeni túsinikti. Demek, aýyldy jerlerdegi jastarǵa da laıyqty qoldaý bolýy tıis. Ol úshin partııa aýyl jastarynyń bilim grantyn alýyna jáne jumysqa ornalasýyna kepildik beretin «Aýyldan – dıplom alý úshin» baǵdarlamasyn ázirleýdi usynyp otyr. Sonymen qatar, joǵary jáne orta arnaýly agrarlyq oqý oryndarynyń túlekteri úshin alǵashqy jumys ornyn mindetti kvotalaý táji­rıbesin engizý qajeti dedi Qanat Tasybekov.

Al kandıdat Dáýren Qýat «Aýyl» partııasynyń saılaýaldy baǵdarlamasynda balaly otbasylarǵa arnalǵan tıimsiz, qysqa merzimdi tólemderdiń ornyna kepildendirilgen «Bala násibi» járdemaqysyn engizip, ony 18 jasqa tolǵansha tóleý usynylyp otyrǵanyn aıtty. «Mundaıǵa memleketimizdiń tolyq múmkindigi bar dep esepteımin. Bul iske asatyn bolsa aýyl turǵyndarynyń áleýmettik áleýeti jaqsaryp, ómir sapasyn jaqsartýǵa bolady», dedi D.Qýat.

Sonymen qatar kezdesý barysynda aýyl sharýashylyǵy ónimderin óndirý isimen aınalysyp jatqan kásiporyndar men fermerlerdi qoldaý maq­satynda olardy qosymsha qun salyǵynan bosatyp, nesıe­lerdi arzandatýdy kózdeı­tin sýbsıdııa túrlerin beseýge deıin qysqartý bastamasy partııanyń baǵdarlamasyna enip otyrǵany aıtyldy. Kezdesý barysynda zııaly qaýym ókilderi par­tııanyń bastamalary aýyl tur­ǵyndarynyń ǵana emes, jalpy jurtshylyqtyń kóńilinen shyǵady dep esepteıtinderin aıtty. Partııaǵa aldaǵy saılaý­da sáttilik tiledi.

Sonymen qatar Nur-Sultan qalasy boıynsha «Aýyl» HDP óńirlik qoǵamdyq shtaby­nyń basshysy О́mirbek Jumaǵulov, aýdandyq shtab basshylary – Serik Ospan, Alpysbaı Jumaev, Nur-Sultan qalasy máslıhatynyń depýtattyǵyna kandıdattar – Ǵabıt Baıhanov, Farhat Engıshev «Saıanur» bazaryn­da bolyp, jańa jyl qarsańyn­da azyq-túlik taýarlarynyń baǵa­syna monıtorıng jasap, «Aýyl» partııasynyń saılaýaldy baǵdarlamasy boıynsha túsindirý jumystaryn júrgizdi.

Shyǵys Qazaqstan oblysy Glýbokoe aýdanynyń Sol­nech­noe aýylynda aýdandyq más­lı­hat depýtattyǵyna úmit­ker A.Shoraev bastaǵan «Aýyl» partııasynyń úgit toby «Jam­býsınov» JK ujymymen kezdesti.

Qostanaıda onlaın formatta «Aýyl» partııasynan Májilis depýtattyǵyna kandı­dat V.Hadanovıchtiń Qos­ta­naı oblysy aýyldarynyń turǵyn­daryna partııanyń saılaýaldy baǵdarlamasyn túsindirý baǵytynda kezdesýi ótti. Kezdesý bary­synda qatysýshylar aýyl­­dyq aýmaqtardyń ınf­ra­­­qu­rylymyn jańǵyrtý máse­lelerin talqylady.