Qujat Qazaqstanda avtomobıl shınalarynyń joǵary tehnologııalyq óndirisin ashýdy, soǵan sáıkes jańa jumys oryndaryn qurýdy, ishki naryqtyń qajettiligin qamtamasyz etýdi jáne eksporttyq áleýetti damytýdy kózdeıdi.
Kezdesý barysynda taraptar Qazaqstandaǵy mashına jasaý salasyndaǵy oń ósim dınamıkasyn atap ótti, bul rette jańa birlesken óndiristi qurý bolashaqta eki eldiń saýda-ekonomıkalyq jáne ınvestısııalyq áriptestigin arttyrýǵa múmkindik beredi. Kásiporynnyń qurylys orny Qaraǵandy oblysynyń Saran qalasynda ornalasatyn bolady, bas jobalaýshy aıqyndaldy, jabdyqqa tehnıkalyq taldaý júrgiziledi, qurylys-jóndeý jumystary úshin merdigerlik uıymdarǵa akkredıtteý júrgiziledi. Joba sheńberinde mamandardy turaqty daıarlaý jáne rotasııalaý úshin jergilikti bilim berý mekemelerimen yntymaqtastyq belgilengen. Qyzmetkerlerdiń birinshi toby Tatarstandaǵy zaýytta oqýdan ótedi. Jańa qazaqstandyq kásiporynǵa barlyǵy 1100-den astam maman qajet.
Jobaǵa sáıkes shınalardyń premeralyq partııasy Qazaqstandaǵy konveıerden 2022 jyly shyǵady. Zaýyttyń óndiristik qýaty jeńil tehnıkaǵa arnalǵan 3 mln shına men kommersııalyq tehnıka men avtobýstarǵa arnalǵan 500 myń shınany quraıdy.
