Oqý orny «Zamanaýı mektep» baǵdarlamasy boıynsha salynyp, jabdyqtaldy. Jańa mektepke Pavlodar oblysynyń ákimi Ábilqaıyr Sqaqov keldi.
«Zaton» shaǵyn aýdanynda mektep qurylysy 2019 jyly bastalǵan bolatyn. Nysan 2021 jyly tapsyrylýy kerek edi, biraq merziminen buryn oryndaldy. Sapasyna nuqsan kelgen joq - merdigerlerdiń jumysyn jaýapty organdarmen qatar ata-analar qaýymdastyǵy da qadaǵalady.
Jańa bilim oshaǵyna Muzafar Álimbaevtyń esimi berildi. Qazaqstan halyq jazýshysy, aqynnyń qurmetine mektepte shaǵyn mýzeı ashyldy.
«Ataqty jerlesimizdiń esimin mundaǵy oqýshylar men ustazdar qaıta jańǵyrtyp, mektep bıik jetisterge jetetinine senimdimin», - dedi óńir basshysy Ábilqaıyr Sqaqov onlaın rejıminde ótken mekteptiń ashylý saltanatyna qatysqan oqýshylar men pedagogtarǵa.
600 oryndyq oqý ornynda barlyq kabınetter men rekreasııalyq aımaqtar «Zamanaýı mektep» baǵdarlamasy boıynsha jabdyqtaldy. Ashanada «e-pit» júıesi ornatyldy, sonyń arqasynda mektep basshylyǵy tamaqtaný sapasyn baqylaıdy jáne oqýshylardan pikirler qabyldaıdy. Sonymen qatar mektepte barlyq tanymal sport túrlerimen aınalysý úshin sport zaly tolyǵymen jabdyqtalǵan.
«Men dostarymdy tezirek kórgim keledi jáne olarmen jańa mektepte kezdesýim kerek. Bizde qaladaǵy eń jaqsy sport zaly bolady dep estidik», dep bólisti oqýshy Ánel Soltabaeva.
Oqýshylardyń ata-analary da óz emosııalarymen bólisti.
«Ata-analar atynan bizdiń shaǵyn aýdanda balalarymyz úshin kópten kútken mektep salynǵany úshin úlken alǵysymdy bildirgim keledi. Biz onyń ashylýyn jáne bizdiń balalarymyz onda tolyqqandy oqı alatyn kúndi asyǵa kúttik. Búkil qurylys barysynda biz bul prosesti baqylap otyrdyq. Barlyǵy jaqsy jáne jaıly jasalǵanyn atap ótkim keledi», dep atap ótti ata-ana Iýlııa Kýzmenko.
Ábilqaıyr Sqaqov bıyl «Zamanaýı mektep» baǵdarlamasy boıynsha jóndelgen Pavlodardyń úsh mektebine bardy. Innovasııalyq tıptegi №34 mektepte ákim jańartylǵan kabınetterdi, sportzal men ashanany aralap shyqty. №28 mektepte óńir basshysyna joǵary synyp oqýshylaryna arnalǵan kabınetter men kitaphanany neǵurylym ashyq etip jasaý týraly sheshim qabyldanǵanyn aıtyldy.
Y.Altynsarın atyndaǵy daryndy balalarǵa arnalǵan gımnazııa-ınternatynda Ábilqaıyr Sqaqovqa bıologııa, fızıka jáne hımııa boıynsha tájirıbelerge arnalǵan zerthana, sondaı-aq munda buryn ótkizilmegen tehnologııalyq sabaqtarǵa arnalǵan STEM-kabınet tanystyryldy. Aýyldyq aımaqtardan kelgen oqýshylar turatyn mektep jataqhanalarynda da jóndeý jumystary júrgizildi. Jalpy «Zamanaýı mektep» jobasy boıynsha bıyl Pavlodardyń alty mektep kúrdeli jóndeýden ótti. Baǵdarlamany iske asyrý kelesi jáne odan keıingi jyldary da jalǵasady.
