Osyǵan baılanysty, medısına ǵylymdarynyń doktory, PhD, Kardıologııa jáne ishki aýrýlar ǴZI Kardıologııa kafedrasynyń professory Sáýle Ýrazalına, ınfeksııadan týyndaǵan jiti qabyný áseri júrek qyzmetin nasharlatyp jáne júrek qyzmetiniń kemistigi bar pasıentterde onyń belgilerin asqyndyra alady, deıdi. Júrek qyzmetiniń kemistigi, dılatasııalyq kardıomıopatııa, oń jaq qarynshanyń órshigen arıtmogendik kardıomıopatııasy jáne týa bitken júrek kemistigi bar pasıentter táýekel tobyna beıim bolady.
Eýropalyq kardıologtar qoǵamynyń usynymyna sáıkes, qazirgi kúnderi vırýstyń júrekke týra áseri týraly dálel joq. Alaıda júıeli túrde bolatyn aýyr qabyný prosesteri arıtmııany asqyndyrady nemese tipti keı pasıentterdi júrekshe fıbrıllıasııasyna alyp kelýi múmkin.
Vırýstyń qabynatyn áserin eskere otyryp, teorııalyq jaǵynan vırýstyq ınfeksııa koronarlyq arterııalarda aterosklerotıkalyq túıindaqtardyń (maı shógindileri) úzilýin týdyryp, bul jiti koronarlyq sındromǵa (júrek ustamasyna) ákeledi degen qaýip bar. Keýdesinde jiti jaısyzdyqty sezinetin adamdar koronavırýs sımptomdarynyń paıda bolǵan kezinde mindetti túrde dárigerge qaralýy tıis.
Ázirshe júrek-qan tamyr aýrýlary bar pasıentterde COVID-19 juqtyrǵannan keıin ókpe ınfeksııasy damýynyń múmkindigi joǵary degen derekter joqú Degenmen, tumaý sııaqty basqa vırýstarmen ınfeksııanyń damýyna uqsas bolýy múmkin. Eger adamdar júrek-qan tamyr aýrýlarynyń sımptomdaryn koronavırýs epıdemııasy kórinisinde sezinetin bolsa, olardy nazardan tys qaldyrmaýy tıis. Eger dene shynyqtyrý kezinde nemese tynysh jatqanda keýdeńizde aýyrý sezimi paıda bolyp, tynys alý qıyndasa, júrek qaǵysy jıilenip nemese esten tanatyndaı álsizdikti sezinseńiz, Sizge shuǵyl túrde jedel járdemdi shaqyrý qajet. Mamandar emdeýge jatqyzý týraly sheshim qabyldamas buryn aıtylǵan sımptomdar men jalpy qarap-tekserýdiń negizinde Sizdiń jaı-kúıińizdi baǵalaıdy.
Júrek-qan tamyr aýrýlarynyń bolýy kórinisinde koronavırýstyq ınfeksııamen zaqymdaný asqynýlardyń damýyna ákele alady. Buǵan mıokard jáne tamyrlardyń sozylmaly aýrýlarynyń dekompensasııasy nemese olardyń erekshe (vırýstyq) zaqymdanýy jatady. Negizgi aýrýdyń dekompensasııalanǵan aǵymy trombozdar, jiti júrek-ókpe jáne polıorgandyq jetispeýshiliktiń bolý qaýpin arttyrady. Bul rette mynalardy esten shyǵarmaý kerek:
- Juqtyrýdy boldyrmas úshin usynylatyn profılaktıkalyq sharalardy muqııat oryndaý qajet.
- Júrek jáne qan tamyrlary aýrýlary kezinde taǵaıyndalǵan dári-dármekpen emdelýdi toqtatýǵa bolmaıdy. Bul densaýlyqtyń jyldam nasharlaýyna ákelýi múmkin.
- Aldyn ala josparlanǵan operatıvtik aralasýlardan bas tartýǵa bolmaıdy. Júrek nemese qan tamyrynyń keı aýrýlary keshiktirgen jaǵdaıda jyldam órshıp, ólim jaǵdaıyna ákelýi múmkin. Otany jasaý álde ony kúte turý týraly máseleni tek qana kardıolog sheshe alady.
ALMATY
