Búgin qalalyq №2 sotta 33 jastaǵy áıeldiń isi qaraldy. Ol 26 qarashada balasyn Pavlodar avtovokzalynyń janyndaǵy tramvaı aıaldamasyna qaldyryp ketken. Úkim shyqqanǵa deıin bala úlken aǵasymen birge basqa qaladaǵy ájesiniń úıinde turǵan.
Sot ókilderi habarlaǵandaı, áıel bertinge deıin Taraz qalasynda tirkelgen. Pavlodarǵa Semeıden taksı jaldap kelgen eken. Polıseıler men eriktiler kúdiktiniń izin sýytpaı 2 saǵatta ustaǵan. Kúdiktige QR Qylmystyq kodeksiniń 119-baby 1-bóligi boıynsha sotqa deıingi tergeý isi bastaldy.
Tergeý barysynda áıeldiń turmysqa shyqpaǵany jáne onyń bul ulynan basqa, taǵy Ekibastuzdaǵy 57 ájesiniń bir bólmeli páterde turatyn 9 jastaǵy balasy bar ekeni anyqtaldy. Azamatsha kenje ulyn qaldyryp ketýdi aldyn ala josparlaǵan-dy.
"Sot qaýlysymen J. esimdi áıel qylmystyq jaýapkershilikten bosatyldy. О́ıtkeni ol jábirlenýshiniń zańdy ókilimen tatýlasty. Moraldyq jáne múliktik shyǵyn kelgen joq. Áıel kinásin tolyq moıyndady", deıdi Pavlodar №2 sotynyń sýdıasy Dýman Serikbaev.
Eske sala keteıik, osy jyldyń 25 jeltoqsanynda oblystyq Kámeletke tolmaǵandardyń isteri jónindegi mamandandyrylǵan aýdanaralyq №2 sotynda J. esimdi áıel QR Ákimshilik quqyq buzýshylyq kodeksiniń 127-baby 1-bóligi boıynsha ákimshilik jaýapkershilikke tartylǵan edi. Osyǵan baılanysty otbasy qorǵanshylyq jáne qamqorshylyq organyna esepke qoıyldy. Ázirge sottyń úkimi zańdy kúshine engen joq.
