Alǵashqy ekologııalyq ertegi

Kitap sıýjeti boıynsha bas­­ty keıipkerler beıbereket sha­shylǵan qoqystarmen kúre­sip, qaldyqtardy bólek jınaý­dy nasıhattaıdy. Sondaı-aq Kó­­beıtuz qyzǵylt kólin, jasyl jelekti ormandy kesýden saq­taýdy kórsetedi.

Erteginiń jaǵymdy keıipker­leri arqyly balalardy ıgi ister men tabıǵatqa uqypty qaraýǵa, eko-adamgershilik pedagogıka ádisi negizinde jas urpaqty  tár­bıeleý jatyr.

О́KM Operatorynyń qol­daýymen jaryqqa shyqqan ertegilerdiń avtory – №83 mektep-gımnazııasynyń oqytý­shysy Asqar Muqanov. Sondaı-aq erteginiń jaryqqa shyǵýyna atalǵan mekteptiń bastaýysh synyp muǵalimderi atsalysty. Kitap qazaq jáne orys til­derinde jazylǵan.

Ertegi keıipkerleriniń ob­raz­dary «Qaıta óńdeýge» baı­qaýynda top jarǵan sý­retshi balalardyń salǵan keıip­­­ker­lerinen alynyp otyr. Sý­ret­shi-ıllıýstrator Irına Hvan atalǵan keıipkerlerdi kitap betterinde somdady. Avtor­lardyń aıtýynsha, kitap otbasymen birge oqýǵa arnalǵan jáne qorshaǵan ortaǵa uqypty qaraýǵa tárbıeleıdi. Ekologııalyq daǵ­dyny qalyptastyryp, tur­mystyq qaldyqtardy bólek jınaýdy nasıhattaýǵa baǵyt­taıdy.

Sonymen qatar «Rojdennye mechtat» komıksiniń onlaın tusaý­keseri ótti. Grafıkalyq romanda jasóspirimder ekolo­gııalyq máseleni sheshýge kúsh biriktiredi. Komıks avtory – Nur-Sultan qalasynyń lıng­vıstıkalyq kolledjiniń stýdenti Eva Agafonova. Eko­logııalyq ertegiler serııa­sy men komıks О́KM Ope­ra­torynyń «EcoQolday» ekolo­gııalyq qozǵalysy aıasynda daıyn­dal­dy.

Kompanııa daryndy jas­tardyń ekologııalyq jobalaryn qoldaýǵa árdaıym nıetti. Eko-bilim berý jumysy aıasynda ekologııalyq ertegilerdiń jańa serııalaryn shyǵarý, grıneık­terdiń oqıǵalary týraly anı­masııalyq mýltfılm­der men balalar spektaklin daıyn­daý josparlanýda.