Búgingi tańda Almatyda barlyq aýmaqtyq saılaý komıssııalary (1 qalalyq, 8 aýdandyq) jeke kabınettermen, jıhazben, keńse tehnıkasymen jáne baılanyspen qamtamasyz etilip, ınternetke qosylǵan. Saılaý ýchaskelerin jabdyqtaý maqsatynda búgingi tańda qajetti quraldar satyp alynyp, ýchaskelerge jetkizildi. Olardyń ishinde stasıonarlyq jáne tasymaldanatyn jáshikter, jasyryn daýys berý kabınasyna arnalǵan matalar, syrtqy jáne ishki aqparattyq stendter jáne t.b. Búgingi kúni qalada 581 saılaý ýchaskesi bar.
QR Bas memlekettik sanıtar dárigeri bekitken algorıtmge sáıkes, árbir saılaý ýchaskesinde saılaý ótkizý kezinde koronavırýstyq ınfeksııanyń taralýynyń aldyn alý jáne sanıtarlyq-epıdemııalyq qaýipsizdikti jáne azamattardyń densaýlyǵyn qorǵaýdy qamtamasyz etý boıynsha qajetti jumystar júrgizildi.
Atap aıtqanda, megapolıste sanıtarlyq qaýipsizdikti qamtamasyz etý maqsatynda saılaý ýchaskelerin sanıtarlyq qorǵaý quraldarymen jabdyqtaý máselesi sheshildi:
- Medısınalyq bir rettik maskalar (saılaýshylar úshin);
- baılanyssyz ınfraqyzyl teplovızorlar;
- qashyqtyqty saqtaý úshin tańbalaý taspalarynyń oramdary jáne t. b.
Esterińizge sala keteıik, Parlament Májilisiniń depýtattaryn saılaý naýqany atalǵan konstıtýsııalyq merzimderge qatań sáıkes taǵaıyndaldy jáne kezekti bolyp tabylady. Saılaý jalpyǵa birdeı jáne tikeleı saılaý quqyǵy negizinde partııalyq tizimder boıynsha jasyryn daýys berý jolymen júzege asyrylady. Ár saılaýshy óz daýysyn bir ret jáne tek bir ǵana úmitkerge bere alady.
О́z saılaý ýchaskeńizdi baılanys ortalyǵynan aptasyna 7 kún saǵat 8:00-den 20:00-ge deıin jumys isteıtin 221-10-01 biryńǵaı tegin nómiri boıynsha bilýge bolady. Sondaı-aq Telegram-bottyń @sailau_almaty kómegimen jáne «Open Almaty» onlaın-servısterinen aqparat alýǵa jáne http://service.almaty.kz/ru.saılaýshylar tiziminen ózińizdi tekserýge bolady.
