Áli de áleýmettik mańyzy bar azyq-túlik taýarlarynyń (ÁMAT) baǵasyn turaqtandyrýǵa erekshe kóńil bólinedi - 19 ataý. Almaty ÁKK – ÁMAT baǵalaryn tejeýge baǵyttalǵan qalanyń azyq-túlik taýarlarynyń óńirlik turaqtandyrý qoryn qalyptastyrý jáne paıdalaný baǵdarlamasynyń operatory.
Baǵdarlamany iske asyrý jeke saýda-bólshek saýda jelisi, sondaı-aq seriktesterdiń saýda jelileri arqyly júzege asyrylady. Qorlar tek otandyq ónimderden turady. Baǵalardy tejeý úshin túrli mehanızmder qoldanylady.
28 saýda pavılony men 11 «demalys kúngi» jármeńkesi arqyly azyq-túlik taýarlarynyń negizgi túrleri, onyń ishinde 19 ÁMAT satylady.
Onda 15%-dan aspaıtyn shekti saýda ústemeleri belgilengen. О́nim baǵasy qala boıynsha ortasha naryqtyq baǵadan 10-20%-ǵa tómen.
TJ men karantındi engizý qajetti taýarlarǵa suranystyń artýyna sebep boldy. Almatyda qordalana bastaǵan negizgi ónimderdiń biri qaraqumyq jarmasy boldy. Sondyqtan halyqtyń suranysyn qamtamasyz etý úshin Almaty ÁKK turaqtandyrý qorynan 348,1 tonna kóleminde qaraqumyq jarmasynyń taýar ıntervensııasyn ótkizdi. Taýar saýda jelileri arqyly 305 teńge/kg baǵa boıynsha satyldy, bul rette sol kezdegi ortasha naryqtyq baǵa 339 teńge/kg bolǵan.
Saýda jelileri, áleýmettik pavılondar men «demalys kúngi» jármeńkeleri arqyly 235 tg/kg (sórede 240 tg/kg) baǵamen 1 500 tonna kóleminde qumsheker boıynsha taýar ıntervensııasy júrgizildi.
Sonymen qatar 2019 jyly Almaty ÁKK 2 000 tonna kóleminde qumsheker satyp aldy. 2020 jyly bul kólem satyp alý baǵasy boıynsha 215 tg/kg (sórede 220 tg/kg) satyldy.
Kásipkerlik sýbektilerine jeńildetilgen qaryzdar beriledi. Osy tetiktiń sheńberinde kásipkerlik sýbektileri ónimniń shekti baǵasyn belgileý túrinde ÁMAT-ty ótkizý boıynsha qatań mindettemelerdi oryndaıdy, sonymen qatar seriktester qaryzdar boıynsha bólingen aqshany Almaty ÁKK bıýdjetine qaıtarady.
Osy «aınalymdy» keste boıynsha kelesi kásipkerlik sýbektilerimen sharttar jasaldy:
- «Magnum Cash&Carry» JShS ÁMAT-tyń 10 pozısııasyna (qaraqumyq, tútik kespe, 1-surypty un, kúrish, taýyq eti, jumyrtqa, sút, aıran, súzbe, sary maı) 2,112 mlrd. teńge jalpy somasyna 5,9 myń tonna kóleminde;
- «Magnum Cash&Carry» JShS kókónis ónimderine (kartop, qyryqqabat, sábiz, pııaz) 1,709 mln. teńge jalpy somasyna 14 608 tonna kóleminde;
- «Sabyrjan Company» JShS JShS ÁMAT-tyń 7 pozısııasyna (1-surypty un, nan, qaraqumyq, kúrish, tútik kespe, taýyq eti, sary maı) 255 mln. teńge jalpy somasyna 912 tonna kóleminde;
- «Aqsaı» nan-toqash kombınaty» JShS qalypty nanǵa 1 mlrd. teńge jalpy somasyna 23,8 myń tonna kóleminde;
- Asyl Meat» JShS sıyr etine (jaýyryn-tós bóligi) 42 mln. teńge jalpy somasyna 63,7 tonna kóleminde.
Keshendi tásildiń arqasynda 2020 jyly Almaty ÁMAT tutyný baǵalarynyń tómen ındeksterine jáne respýblıkadaǵy nan baǵasynyń eń tómen deńgeıine jetti.
