О́ńirlik kommýnıkasııalar qyzmetiniń alańynda ótken brıfıng barysynda Medeý aýdanynyń ákimi Áset Masabaev Almaty qalasy ákimi Baqytjan Saǵyntaevtyń tapsyrmasymen megapolıste pandemııaǵa qaramastan, mektepter men balabaqshalardaǵy oryn tapshylyǵyn azaıtý boıynsha keshendi jumystar jalǵasyp jatqandyǵyn atap ótti. Almatyda 2025 jylǵa deıin bilim berý nysandaryn údemeli salý baǵdarlamasy júzege asýda. О́tken jyly 2 mektep salynsa, bıylǵy jyly 8 mektep jáne 17 qosymsha qurylys boı kótermek. Osylaısha, 23 myń oqýshy orny ashylyp, bıyl oryn tapshylyǵy 73 paıyzǵa qysqartylady.
Medeý aýdanynda barlyǵy 43 jalpy bilim beretin mektep jumys isteıdi. Jalpy kontıngenti 31 353 bolatyn 28 memlekettik mektep (29 360 oryn) jáne 15 jekemenshik mektep (1 993 oryn) bar. «О́tken jylǵy qyrkúıek aıynda «Dýmanda» №172 mektep-gımnazııasynda 850 oryndyq jańa ǵımarat salynyp, paıdalanýǵa berildi. Sondaı-aq, ótken jyly jeke ınvestorlar esebinen kelesi mektepter salynyp, paıdalanýǵa berildi: «Ýálıhanov atyndaǵy mektep», «Steam», «Úrker», «Poznai-ka mektebi (AMS)», «Ǵanıbet». Olardyń jalpy jobalyq qýattylyǵy 1160 orynǵa arnalǵan jáne 143 turaqty jumys orny quryldy», - dep atap ótti Á.Masabaev. Bıylǵy jyly Ormanov kóshesi (Shyǵys aınalma joly) meken-jaıy boıynsha jeke ınvestısııalar esebinen 540 oryndyq zamanaýı jeke mektep ashý josparlanýda. Alataý sh/a ornalasqan №7 mektep ǵımaratyna seısmıkalyq kúsheıtý arqyly kúrdeli jóndeý júrgizilýde. Aıaqtalý merzimi 2021 jylǵy shilde. Sonymen birge, №48 mektep ǵımaratynyń tozýyna baılanysty qosymsha qurylys arqyly kúrdeli jóndeýge jobalyq-smetalyq qujattar ázirlenýde. Joba bıylǵy jyly iske asatyn bolady.
Osyǵan uqsas jumystar mektepke deıingi bilim berý salasynda da júrgizilip jatqanyn atap ótý kerek. Búginde Medeý aýdanynyń mektepke deıingi bilim berý uıymdarynyń jelisi: 18 bóbekjaı jáne 49 jeke menshik balabaqsha jáne 37 shaǵyn ortalyqtardan turady. Tárbıelenýshilerdiń jalpy sany 5 100 bala (memlekettik balabaqshalarda - 2935, jekemenshik balabaqshalarda - 2165). №114, 116, 141 úsh balabaqshada ǵımaratqa japsarlas jáne qosymsha qurylys esebinen árbir balabaqshada jobalyq qýattylyqty 50 orynǵa ulǵaıta otyryp, kúrdeli jóndeý boıynsha jumys jalǵasýda.
Aıaqtalý merzimi bıylǵy jyldyń naýryzy. О́tken jyldyń basynan beri aýdanda jeke ınvestorlar esebinen jalpy jobalyq qýaty 250 oryndyq 5 jekemenshik balabaqsha ashyldy. Bıyl 5 jekemenshik balabaqsha men shaǵyn ortalyqtar ashý josparlanyp otyr. Sonymen birge, aǵymdaǵy jyly birqatar áleýmettik-mádenı nysandardy, jekemenshik balabaqshalar jáne shaǵyn ortalyqtar, S.Nurmaǵambetov kóshesi, 150 meken-jaıy boıynsha High Tech Academy jekemenshik mektebin, Ál-Farabı dańǵyly, 30/5 ýchaskesinde jekemenshik «Balet teatryn», Dýman shaǵyn aýdanynda ashyq aýadaǵy fıtnes klýb ashý men Alataý shaǵyn aýdanynda «Shyńǵa О́rleý» áleýmettik jobasy júzege asyrý josparlanǵan.
Al ótken jyldyń qazan aıynan bastap Ortalyq mádenıet jáne demalys saıabaǵynda «Muhtar Áýezov» stadıonynda fýtboldan tegin seksııa uıymdastyryldy. Aýdan ákimdiginiń bastamasymen júzege asyrylyp jatqan áleýmettik joba aıasynda kópbalaly jáne az qamtylǵan otbasylardan shyqqan 50 bala turaqty negizde tegin negizde fýtbolmen aınalysý múmkindigine ıe boldy.
