Jas bolsa da jasyndaı tıedi

Bul – jas tergeýshi úshin úlken tabys. О́ıtkeni alaıaq áıel barynsha ákki, adamdardyń senimine ońaı kirgen. Sondyqtan ony moıyndatý úshin bultartpas zattyq derekter men aıǵaqtardy tabý kerek boldy. Jábirlenýshilerde tek qana onyń bergen qolhaty bolǵan.

Alaıaq áıel jábirlenýshilerden «dıplom jasap beremin» dep 350 myń teńgeden alyp otyrǵan. Ýnı­versıtette ádisker bolyp isteı­tinin aıtyp, jábirlenýshini jedel­detilgen baǵdarlama boıynsha bir-aq jylda dıplom alýǵa bolatynyn aıtyp sendiredi. «Tek aqysy 350 myń teńge» degen. О́ziniń sózine sendirý úshin «klıentti» ýnıversıtetke ákelip, korpýstardy aralatyp, ekskýrsııa da jasatqan. Tipti dıplom tabys etiletin kúndi de aıtyp, jábirlenýshiniń kúdigin seıilte túsken.

Bul arada jábirlenýshilerdiń de quqyq buzýshylyqqa óz erki­men barǵandaryn aıtpaı ketýge bolmaıdy. О́ıtkeni olar ońaı jolmen joǵary bilimniń dıplomyna oqymaı-aq qol jetkisi kelgen. Son­dyqtan olardyń kóbi aqsha­la­ry­nan ne sebepti aıyrylyp qal­ǵandaryn polısııaǵa jazyp berýden bas tartqan.

Tek 2019 jyldyń qazan aıynda ǵana qalanyń eki turǵyny aqsha­laryn qoldy qylǵan áıeldiń ústi­nen Petropavl qalalyq Polı­sııa basqarmasyna aryz túsirgen. Ońaı dıplom alýdyń aýyly alys­tap ketkenin kórgen soń ǵana eki jábirlenýshi polısııaǵa shaǵy­ný­ǵa májbúr bolǵan. Mine, osy qaı­shy­lyq­ty qylmysty ashý jas tergeýshi Kámıla Makınaǵa júkteledi.

Turatyn mekenjaıy, tólqu­ja­tynyń derekteri belgili bol­ǵan alaıaq áıeldi tabý qıynǵa túsken joq. Ol tipti boı jasyrýdy da oılamaǵan. О́z úıinde kúıeýi jáne eki qyzymen birge turyp jatqan. Talaı adamdy qan qaq­satyp, barlyǵy 20 mln teń­ge­deı qarajatty zańsyz ıelengen áıel­ge múlde uqsamaıdy. Sypaıy, ustamdy 39 jastaǵy kelinshek. «Ony kórgen sátte men bul áıeldiń aldaýyna túsip qalmaýdy aldymen oıladym. Onyń ádeptilikpen aıtqan ótirikterin boıyma da­ryt­paý­ǵa tyrystym. Eger men sál-pál ǵana psıhologııalyq bo­sań­dyq jasasam ol meni arbap alar edi», deıdi Kámıla Makına.

Osy sátten bastap jas ter­geý­shi qylmystyń dálelderi men derekterin izdeýge kirisedi. Úsh aıǵa sozylǵan tergeý nátıjeleri boıynsha jábirlenýshilerdiń kórsetpeleri, zattyq aıǵaqtar, aqshany qaı jerde, qaı ýaqytta, qandaı jaǵdaıda alǵany jáne t.b. tolyq jınalady. Bultartpas dálel áıeldi qylmysyn tolyq moıyndap, tergeýshiniń aıtqan talaptaryn oryndaýyna májbúr etedi. «Áıel artynan aılaly áreketteriniń búge-shúgesin qaldyrmaı óz aýzynan aıtyp berdi. Naqty derekter men dáıekterden bultara almaı, eki jyl boıy adamdardy qalaı aldaǵanyn aıtyp berip, qylmysyn moıyndaýǵa májbúr boldy. Keri­sin­she, jábirlenýshilerdiń bári birdeı jaýap berýge qulshynys tanytpady. Bultartpas dálelderden keıin ǵana ózderiniń JOO dıplomyn nemese sertıfıkattaryn ońaı jolmen alǵysy kelgenderin mo­ıyndady. Júrgizýshi kýáligin qaı­tarýǵa kómektesemin degenge aq­sha tólegender bolǵan», dedi aǵa leıtenant K.Makına.

О́zine júktelgen mindetti kásibı sheberlikpen joǵary deńgeıde atqarǵan jas tergeýshi áriptesteri arasynda zor qurmetke bólendi. Oǵan merziminen buryn «aǵa leıtenant» sheni berildi. «Alaıaqtyqqa baılanysty qylmystyq isterdi tergeý asa kúrdeli. Kóp tomdy bul ister jumysty jańadan bastaǵan tergeýshi úshin ońaı bolǵan joq. Árıne oǵan aǵa býyn áriptesteri kómektesti. Tergeýdiń núktesin qoıý úshin tún jarymyna deıin ju­mys istep, túrli adamdardyń taǵdyrymen tanysýyna týra keldi. Munyń bári jas qyzmetkerge ómir mektebine aınaldy», deıdi óz oıy­men bólisken tergeý bóliminiń bastyǵy Nurjan Omarov.

Osy ýaqytqa deıin Kámıla Makına 50-den astam qylmystyq istiń sotqa deıingi tergeýin aıaq­ta­ǵan. Qazir ol basqarmadaǵy bilikti tergeýshi bolyp sanalady.

PETROPAVL