Kásipkerlerdi qoldaý jumyssyzdyq máselesin sheshedi

Eger jergilikti turǵyndar tarapynan suraqtar týyndasa, eriktiler sol jerde pikir almasyp, saıası uıym ustanymdaryn, saılaýaldy baǵdarlamasyn túsindirýge daıyn. «Esikten esikke» aksııasy bir kúndik shara emes. Bul aksııa úgit-nasıhat naýqa­nynyń aıaǵyna deıin jalǵasady. Shara so­nymen qatar tek elordada ǵana emes, elimizdiń barlyq óńirinde ótkeli otyr.

Partııa atynan qalalyq máslıhat depý­­tattyǵyna úmitker Serik Túsipov erikti­ler­diń qasynda bolyp, turǵyndarmen pikir­lesti. Onyń aıtýynsha, kezdesken azamat­­tardyń kóbin tolǵandyratyn bas­ty má­sele nesıe jaıynda boldy. Halyq kredıt máselesinde halyqqa jeńildik jasalǵanyn qalaıdy eken. Esterińizge sala ketsek, «Aq jol» partııasy áleýmettik ádilettilikti qamtamasyz etý úshin ıpoteka, tutyný ta­ýar­lary úshin, shaǵyn jáne orta bıznes pen halyqtyń tutyný qajettilikteri nesıe­leriniń paıyzdyq mólsherlemelerin 7-8%-dan aspaıtyn etip shekteýdi usynyp otyr.

Odan bólek, kásipkerlikti qoldaý – ju­mys­syzdyq máselesin sheshýdiń, jumys oryn­daryn qurýdyń jáne qazaqstan­dyq­tardy tabyspen qamtamasyz etýdiń bas­ty quraly dep sanaıtyn partııa ókilderi Qaraǵandy kásipkerlerimen kezdesti. Úgit-nasıhat tobyn partııa kóshbasshysy Azat Perýashev bastap bardy.

Qaraǵandy oblysyna jumys sapary «Brıtanskıı komfortnyı kvartal» TK qurylys alańynda saılaýshylarmen kezdesýden bastaldy. Turǵyn úı qurylysy ótken jyldyń sońynda bastalǵan. Jekeleı ınvestısııalanǵan nysandy qurylysshylar osy jyldyń sońynda paıdalanýǵa berýdi josparlap otyr eken.

«Jańa úıde 720 páter bolady. Ny­sanda júzden astam adam jumys isteıdi. Maman­dar­dyń barlyǵy jergilikti turǵyndar, degen­men jumys qoly jetispeıdi. Pande­mııaǵa deıin О́zbekstannan mamandar tartyldy, biraq olar qazir elderine oraldy. Endi kadr­lar jetispeýde», deıdi qurylys jetekshileri.

A.Perýashev mundaı kompanııalardy qoldaý qajet ekenin atap ótti. «Qurylys búginde ekonomıkanyń naqty sektorynyń damýyna áser etetin basty salalardyń biri bolyp otyr. «Aq jol» partııasy – shaǵyn jáne orta bıznesti jan-jaqty qoldaýdyń jaqtaýshysy. Biz ınvestısııalardy tartýdyń shynaıy stımýldaryn engizý qajet dep sanaımyz. «Aq jol» pandemııanyń saldaryn eńserý úshin salyq­tyq raqymshylyq júrgizýdi, ShOB-ty tó­lem qabilettiligi tolyq qalpyna kelgenshe salyqtan bosatýdy, mıkrobıznes pen ózin ózi jumyspen qamtyǵan halyqty salyqtan bosatýdy usyndy. Biz Ulttyq banktiń bazalyq mólsherlemesin 4-5%-ǵa deıin tómendetý, keıinnen EDB kredıtteri boıynsha paıyzdyq mólsherlemeni tómendetý máselesin únemi kóterip júrmiz», dep atap ótti ol. Sodan keıin Azat Perýashev basta­ǵan «Aq jol» úgit-nasıhat toby Qaraǵandy kásipkerlerimen kezdesti. Partııalyqtar bız­nesmenderdi ózderiniń saılaýaldy baǵdar­lamasymen tanystyryp, olardy tolǵan­dyratyn máselelerdi tyńdady. Áńgime barysynda ekonomıkalyq zań buzýshy­lyqtar, salyq salý, memlekettik satyp alý salasyndaǵy kedergiler taqyryptary kóterildi.