«Týrızmdegi órkenıetsiz kózqaras bizdiń tabıǵatymyzǵa, biregeı tabıǵı obektilerimizge keri yqpalyn tıgizedi. Barlyǵymyz buǵan san ret kóz jetkizdik. Sondyqtan ekologııalyq, uıymdastyrylǵan týrızmdi damytý qajet. Al Qazaqstanda ekotýrızmniń áleýeti zor. Memleket basshysy el ishindegi ekologııalyq týrızm mádenıetin belsendi damytýdyń mańyzdylyǵyn atap ótti. Jumys bastalyp ta ketti», dedi mınıstr.
Onyń aıtýynsha, qazirgi ýaqytta Qazaqstanda on úsh ulttyq park bar. 2019 jyly kelýshiler sany 1,5 mln adam boldy.
«Búgingi kúni ulttyq parkterde kólik úshin jabdyqtalǵan turaqtar, kempıngter, jańa sanıtarlyq kabınalar múldem jetkiliksiz. Biz halyqaralyq tájirıbeni esepke ala otyryp, negizgi nazar marshrýttar men soqpaqtardy damytýǵa jáne jabdyqtaýǵa aýdarylatyn bolady. Zamanaýı vızıt-ortalyqtar, medısınalyq pýnktter, kempıngter, etno-aýyldar jáne t.b. qurý kózdelip otyr», dedi ol.
Mınıstri osyǵan baılanysty tıisti master-josparlar ázirlenip jatqanyn sóz etti.
«Qabyldanatyn sheshimderdiń ashyqtyǵyn qamtamasyz etý maqsatynda ulttyq parkter janynda Qoǵamdyq keńester quryldy. Almaty tobynyń Ulttyq parkterinde: Ile Alataýy, Sharyn, «Altyn Emel» jáne «Kólsaı kólderinde» ekotýrızmdi damytý Konsepsııalary ázirlenip, olardyń prezentasııalary ótkizildi», dedi M. Myrzaǵalıev.
Budan basqa, ol qalǵan barlyq ulttyq parkterde ekotýrızmdi damytý boıynsha tıisti konsepsııalar ázirlenip jatqanyn aıtty.
«Mınıstrlik Birikken Ulttar uıymynyń damý baǵdarlamasymen birlesip erekshe qorǵalatyn tabıǵı aýmaqtardyń týrıstik marshrýttarǵa jáne ekologııalyq joldarǵa rekreasııalyq júktemeni anyqtaý jóninde ádistemelik usynymdar ázirlep jatyr. Jalpy alǵanda, erekshe qorǵalatyn tabıǵı aýmaqtarda ekologııalyq týrızmniń damýy, eń bastysy, el azamattarynyń tabıǵatty qorǵaýǵa, týrıstterge qaýipsiz jáne qolaıly jaǵdaı jasaýǵa, jergilikti turǵyndardy qyzmet kórsetý salasyndaǵy jańa jumys oryndarymen qamtamasyz etýge ákeledi», dedi ol.
