Sonymen birge mámilege qatysýshylar ATF Banktiń enshiles uıymy, «Optıma Bank» AQ-qa qatysty Qyrǵyz Respýblıkasy Ulttyq Bankiniń tarapynan aksıonerdi aýystyrýǵa qajetti ruqsattar aldy.
Bankterdiń birigýiniń qarjylyq modeli qosylý men birigýdiń klassıkalyq modeline (M&A) sáıkes keledi, onda banktiń 124 mlrd teńge mólsherindegi menshikti kapıtaly qosymsha provızııalar qurý úshin paıdalanyldy. Jumys istep turǵan aksıoner shyǵyndardy ótegennen keıin Jýsan Bank ATF Bankti 97 mlrd teńge somaǵa ústeme kapıtaldandyrýdy júzege asyryp, retteýshiniń talaptaryna sáıkes kapıtaldyń jetkilikti deńgeıin qalyptastyrdy. Mámileniń qorytyndysy boıynsha ATF Bank provızııalardyń qajetti kólemin qurdy, onyń kapıtaly men ótimdiliginiń jetkilikti qory bar, bul uzaq merzimdi bolashaqta banktiń qarjylyq ornyqtylyǵyn jáne turaqty damýyn qamtamasyz etedi.
Agenttik Qazaqstannyń asa iri bankteriniń bıznes-modelderin biriktirý bank sektorynyń turaqtylyǵyn arttyrýǵa jáne eki banktiń qarjylyq ári tehnologııalyq artyqshylyqtaryn paıdalaný esebinen halyqqa kórsetiletin qyzmetterdiń sapasyn jaqsartýǵa yqpal etedi dep esepteıdi. Jýsan Bank jáne ATF Bank aktıvteriniń jıyntyq kólemi 3 trln teńgege jýyq, al eki banktiń jalpy naryqtyq úlesi bank sektory aktıvteriniń 10%-yna jetedi dep kútiledi.
Jýsan Bank jáne ATF Banktiń aǵymdaǵy qyzmeti, sondaı-aq bankterdiń klıentteri úshin kórsetiletin qyzmetterdiń qoljetimdiligi ýaqtyly jáne tolyq kólemde júzege asyrylady.
