Almaty qalasy Kásipkerler palatasynyń basshysy Aıtýar Qoshmambetov О́ńirlik kommýnıkasııalar qyzmetiniń brıfınginde bıznes-qoǵamdastyqty sanıtarlyq normalardy saqtaýǵa shaqyrdy.
«Kásipkerlik nysandaryna 7 myńǵa jýyq tekserý júrgizildi, nysandardyń bir bóligi sanıtarlyq normalardy buzǵan. Sonymen qatar biz yntalandyrýǵa jáne aldyn alý sharalaryna kóbirek kóńil bólemiz. Sońǵy eki aıda biz Almaty qalasynyń Bas memlekettik sanıtar dárigerimen belsendi jumys júrgizip jatyrmyz. Biz kásipkerlerdiń jekelegen toptaryna zańnamany túsindirý úshin tikeleı efırlerdi uıymdastyryp júrmiz. О́nerkásiptik uıymdarmen, qoǵamdyq tamaqtaný uıymdarymen, saýda ortalyqtarymen, saýda-oıyn-saýyq dúkenderimen, sýpermarkettermen osyndaı kezdesýler ótkizildi. Iаǵnı, shekteýlerge ushyraǵan árbir toppen biz belgili bir jumys júrgizemiz», - deıdi Almaty qalasy Kásipkerler palatasynyń basshysy.
Aıtýar Qoshmambetov qalanyń bas sanıtar dárigerimen jedel baılanys ornatylǵanyn atap ótti.
«Bas sanıtar dárigerdiń qaýlysynyń jobalary tek joba satysynda bolǵan kezde, biz osy shekteýler men jeńildikterge qatysty bıznes salalarymen tez talqylaýdy uıymdastyramyz. Sondaı-aq, monıtorıngtik toptardan basqa biz sanıtarlyq qorǵaý salasyndaǵy qoldanystaǵy zańnamany túsindirý boıynsha arnaıy top qurǵanymyzdy erekshe atap ótkim keledi. Oǵan bizdiń 12 mamanymyz kirdi, 300-den astam iri saýda jáne ónerkásip nysandaryn aralap shyqtyq jáne árqaısysymen aıyppuldardyń bolmaýy úshin qandaı normalardy saqtaý kerektigin túsindirý jumystaryn júrgizdik.
Bul rette, arnaıy toptyń qoldanystaǵy zańnamany túsindirý jónindegi jumysy tek usynym jasaý sıpatyna ıe.
«Qazir biz bıznesti barlyq normalardy saqtaýǵa shaqyramyz. Buryn aıtyp ótkenimizdeı, bizde qańtar aıynan bastap pılottyq joba josparlanýda - jabyq qalǵan 9 sala qyzmetiniń barlyq túrleri paıdalanýǵa berilmek jáne olar úshin algorıtmder jeke ázirlenetin bolady. Barlyǵy memleket pen bıznes arasyndaǵy adaldyq pen senim qaǵıdattaryna negizdeletin bolady. Sondyqtan biz qoldanystaǵy normalardy tolyǵymen saqtaýǵa shaqyramyz jáne biz tıisti kelisimder aıasynda barlyq qyzmet túrlerin birtindep iske qosamyz», dedi ol.
Qala kásipkerlerin koronavırýstyq ınfeksııa boıynsha turaqty jaǵdaıdy saqtaý maqsatynda qoldanystaǵy normalardy tolyq saqtaýǵa shaqyrady. Eger sanıtarlyq sharalar durys saqtalsa, nysandary jabylyp, aıyppuldar salynbaıdy.
Sondaı-aq, qazirgi ýaqytta Almatyda koronavırýspen aýyrǵan adamdar 18847 adamdy quraıdy, onyń ishinde 17309 adam saýyǵyp, 389 adam qaıtys bolǵanyn eske salamyz.
