«7-20-25» ıpotekalyq baǵdarlamasynyń negizgi artyqshylyqtary onyń ataýynan kórinedi. Nesıeler jyldyq 7% tartymdy paıyzdyq mólsherlememen, satyp alynǵan turǵyn úı qunynyń 20% bastapqy tólemimen 25 jylǵa deıingi merzimge beriledi. Osy baǵdarlama boıynsha jyljymaıtyn múlikti tek bastapqy naryqta ǵana qurylys salýshydan satyp alýǵa bolady. Satyp alynatyn turǵyn úıdiń maksımaldy quny Nur-Sultan, Almaty qalalary úshin – 25 mıllıon teńge jáne Aqtaý, Atyraý, Shymkent qalalary úshin 20 mıllıon teńge.
«Baspana hıt» baǵdarlamasy boıynsha Altyn Bank-tiń áleýetti klıentteri ıpotekalyq nesıege jańa, sonymen qatar qaıtalama turǵyn úı satyp alýǵa ótinish bere alady. Satyp alynatyn turǵyn úıdiń maksımaldy quny Nur-Sultan, Almaty qalalary úshin – 35 mıllıon teńge jáne Aqtaý, Atyraý, Shymkent qalalary úshin – 25 mıllıon teńge. Bul sharttar klıentter úshin jyljymaıtyn múlik tańdaýdy edáýir keńeıtedi. «Baspana hıt» baǵdarlamasynyń sharttary boıynsha nesıeler 15 jylǵa deıingi merzimge beriledi, bastapqy tólem satyp alynǵan turǵyn úıdiń naryqtyq qunynyń kem degende 20%-yn quraıdy. Ipotekalyq qaryz teńgemen jylyna 10,75% mólsherleme (aǵymdaǵy kúnge) boıynsha beriledi. Syıaqy mólsherlemesiniń naqty mólsheri nesıe berilgen kúni anyqtalady.
Osy baǵdarlamalar boıynsha áleýetti qaryz alýshyǵa qoıylatyn negizgi talaptar – Qazaqstan Respýblıkasynyń azamattyǵy, jasy 21-den 60 jasqa deıin, rastalǵan kirisiniń bolýy qajet jáne tólenbegen ıpotekalyq qaryzy, jeke turǵyn úıi bolmaýy tıis.
«Biz ár klıenttiń ıpoteka boıynsha ózine yńǵaıly jáne qoljetimdi sharttardy tańdaı alýyn qalaımyz. «7-20-25» jáne «Baspana hıt» baǵdarlamalaryna qatysý bizdiń klıentterge eń qolaıly naryq sharttarymen ıpotekalyq nesıe alýǵa múmkindik beredi», deıdi «Altyn Bank» AQ bólshek saýda bıznesi departamentiniń dırektory Janar Shalabaeva.
Keńesterdi +7 (727) 35-65-777 nómiri boıynsha alýǵa bolady. О́tinimder Nur-Sultan, Almaty, Aqtaý, Atyraý jáne Shymkent qalalaryndaǵy Altyn Bank fılıaldary men bólimshelerinde qabyldanady.
