Partııa belsendileri aldymen «Jańa Rosa» kompanııasyn aralap kórdi. Bul kásiporyn – eldegi eń kóne syra zaýyttarynyń biri. Kásiporyn Olvrieka (Belgııa), Berkefeld, Krones A.G., KHS ı NIKO (Germanııa) sekildi sheteldik kompanııalarmen áriptestik ornatqan. «Jańa Rosa» tek syra óndirisimen ǵana emes, túrli alkogoldi emes sýsyndardy, shyryndardy jáne mıneraldy sý shyǵarýdy da jolǵa qoıyp otyr. Kásiporynnyń úlken ereksheligi – jastardyń potensıalyna erekshe mán berýinde. Bul rette «Aq jol» partııasy men kásiporyn jetekshileriniń oıy bir jerden shyǵyp otyr. Partııa belsendileri osy ujymdaǵy jumysshylarǵa partııa usynyp otyrǵan elimizde jastarǵa kórsetilýge tıisti qoldaý sharalarynyń tizbegin tanystyrdy.
Aqjoldyqtar odan bólek «Real-Stroı-PV» seriktestiginiń jumysshylarymen de kezdesip, olardyń oı-pikirin tyńdady. «Real-Stroı-PV» – qurylys kompanııasy. Seriktestik negizinen saıajaılar men kottedjder salýǵa mamandanǵan. Odan bólek qurylys kompanııasy keıbir ǵımarattarǵa rekonstrýksııa jasaıdy jáne jol jóndeý jumystarymen aınalysady. «Aq jol» partııasynyń úgit-nasıhat toby munda partııanyń saılaýaldy baǵdarlamasynyń basym baǵyttary jóninde áńgimelep berdi.
Al Almaty qalasynda jastarmen ótken kezdesýde partııa kóshbasshysy Azat Perýashev Qazaqstanǵa erkin, myqty jáne ózine senimdi jastar qajet ekenin málimdedi. Sharaǵa partııanyń qalalyq fılıalynyń tóraǵasy Qýandyq Bısqultanov, Májilis depýtattyǵyna kandıdattar – partııa tóraǵasynyń orynbasary Dmıtrıı Vasılev, KBT Group kompanııasynyń bas dırektory Azat Sembınov qatysty. KBT Group kásipornynyń basshylyǵy kompanııa qoımasynda ekskýrsııa uıymdastyryp, jobalary men jumys jaǵdaıyn tanystyrdy.
«Aq jol» basshysy partııanyń jas qazaqstandyqtardy turǵyn úımen qamtamasyz etý jónindegi bastamalary týraly aıtty. Oǵan jataqhanalar salý qajettiligi týraly jáne ár balanyń dúnıege kelýimen ıpotekany sýbsıdııalaý boıynsha usynystar jatady.
«Aq jol» úgit-nasıhat toby jas saılaýshylardy demokratııalyq partııanyń bıznesti qoldaý boıynsha aǵymdaǵy jumysy men baǵdarlamalyq mindetteri týraly habardar etti.
Sonymen qatar ol partııanyń Ulttyq banktiń paıyzdyq mólsherlemesin 4-5%-ǵa deıin tómendetý, keıinnen EDB kredıtteri boıynsha da paıyzdardy tómendetý jónindegi usynystary týraly eske saldy.
«Eldiń áleýmettik-ekonomıkalyq jáne saıası júıelerine túbegeıli ózgerister qajet», deıdi aqjoldyqtar. Osylaısha partııa músheleri jastardy 2021 jyldyń 10 qańtarynda saılaýǵa qatysýǵa shaqyrady. «Aq joldyń» úgit-nasıhat jumystary jalǵasýda. Partııa óziniń baǵdarlamalyq mindetterin júzege asyrý jáne saılaýshylardan kelip túsken ótinishter boıynsha jumysyn da ilgeriletýde.
