«SaryarqaAvtoProm» zaýytynyń jumysshylarymen kezdesýde respýblıkalyq shtab músheleri partııanyń saılaýaldy baǵdarlamasyn tanystyrdy.
Aldaǵy 5 jylda oblysta 80 myńnan astam jańa jumys ornyn ashý, 2,8 myń km avtojol salý jáne jóndeý, 100 myńdaı aýyl turǵynyn sapaly aýyz sýmen qamtamasyz etý, áleýmettik muqtaj azamattarǵa 9 myń páter usyna otyryp, 2 mln sharshy metrden astam turǵyn úı salý jáne basqa da jobalar josparlanýda.
Budan keıin nurotandyqtar óńirdiń zııaly qaýym ókilderimen ulttyq mádenıet pen rýhanııatty damytý, qoǵamda birlik pen kelisimdi nyǵaıtý máselelerin talqylady. Sonymen qatar kezdesýde áıgili aǵartýshy-pedagog Ybyraı Altynsarınniń 180 jyldyǵyna oraı partııa qoldaýymen Qostanaı óńirinde respýblıkalyq aıtys ótkizý jáne Almaty, Nur-Sultan qalalarynda oǵan arnalǵan eskertkish ornatý jaıy da qozǵaldy.
«Elbasy, partııa Lıderi Nursultan Nazarbaev Nur Otannyń saılaýaldy sezinde atap ótkendeı, Qazaqstan táýelsizdik jyldarynda etnostyq ártúrlilikti artyqshylyqqa aınaldyryp, óziniń ulttyq biregeı standartyn qalyptastyrdy. Nur Otan partııasy Qazaqstan halqy Assambleıasymen birge qoǵamda ózara qurmet pen barsha azamattyń teńdigi qundylyǵyn dáripteýdi ári qaraı jalǵastyra beredi. Kemsitýshilikti kózdegen kez kelgen keleńsiz árekettiń joly kesiledi. Sondaı-aq shekara mańyndaǵy aýmaqtardy damytý jáne memlekettik tildiń barlyq saladaǵy qoldanysyn keńeıtý qamtamasyz etiledi. Memleket basshysy Qasym-Jomart Toqaev «Táýelsizdik bárinen qymbat» atty maqalasynda atap kórsetkendeı, «qazaq tilin, shyn máninde, búkil halyqty biriktirýshi faktorǵa aınaldyrýdyń barlyq quqyqtyq tásilderi jáne kepildikteri qalyptasty», dep atap ótti Respýblıkalyq saılaýaldy shtab jetekshisi Baýyrjan Baıbek.
Osy kúni partııa ókilderi Rýdnyı qalasynyń turǵyndarymen de kezdesip, qalalyqtardy tolǵandyryp júrgen suraqtarǵa jaýap berdi. Partııa baspasóz qyzmetiniń habarlaýynsha, «О́zgerister joly: Ár azamatqa laıyqty ómir!» saılaýaldy baǵdarlamasynyń mańyzdy basymdyqtarynyń biri – shaǵyn jáne monoqalalardy qosa alǵanda, óńirlerdi ári qaraı damytý. Bul úshin shaǵyn qalalarda joldardy, ınjenerlik ınfraqurylymdy salý jáne rekonstrýksııalaý jáne t.b. josparlanyp jatyr. Monoqalalardy damytýda júıe quraýshy kásiporyndardyń róli artady. Jastar bastamalaryn qoldaý úshin arnaıy resýrstyq ortalyqtar qurylady.
Jalpy, 5 jylda Nur Otan partııasy 977 myń qazaqstandyq otbasy úshin 100 mln-nan astam sharshy metr turǵyn úıdi paıdalanýǵa berýdi, 25 myń respýblıkalyq, sonymen qatar 27 myń km jergilikti joldar salý men rekonstrýksııalaýdy qamtamasyz etýdi josparlap otyr.
Praımerız kezinde jınaǵan túıtkildi máselelerdi taldaý negizinde Nur Otan naqty Rýdnyı qalasynda jańa turǵyn úılerdi qoldanysqa engizýdi, aýlalardy abattandyryp, balalardyń oıyn alańqaılaryn salýdy, jylý, sý jáne káriz jelilerin jańǵyrtýdy aldyna mindet etip qoıyp otyr.
