Osyǵan baılanysty endi Prezıdent saıası reforma kerek dep aıtyp edi, sol kúnniń ózinde qor ındeksteri kóterilip ketti. Osydan-aq qoǵamǵa, bizdiń kásipkerlerge quqyqtyq jáne saıası reformalardyń qajet ekenin túsinýge bolady.
Jaqynda Parlament Májilisi men máslıhattardyń saılaýy ótpek. Osy arqyly jańa saıası elıta men ısteblıshment qalyptastyrý amaly jasalyp jatyr. Ol, árıne, ekonomıkalyq qarqynǵa áser etedi. Jalpy, reformalardy talap etetin kúsh – ekonomıka. Bizde halyq kóshege shyǵyp, saıası-quqyqtyq reformalardy talap etip sherý jasamaıdy. Biraq ekonomıkany talap etedi. Sondyqtan bizdiń saıası elıta, sonyń ishinde Q.Toqaev quqyqtyq-saıası reformanyń kerektigin ózi baıandap tur. Prezıdenttiń ustanymy – saıası reforma bolmasa, onda ekonomıkamyz alǵa jyljymaıdy degen kózqaras.
Taǵy bir aıta keterlik jaǵdaı, sońǵy ýaqytta reseılik saıasatkerler bizdiń jerimiz týraly túrli málimdeme jasap júr. Olar bizdiń tarıhymyzdy bilmeı turǵan joq. Tek belgili bir ıdeologııalyq, saıası shabýyl jasap jatyr. Bul óte qaýipti. Reseı Ujymdyq qaýipsizdik týraly shart uıymynda bizben odaqtas. Sondyqtan muny jaı áńgime deýge bolmaıdy. Osyǵan qatysty saıası basshylyqtyń naqty, batyl, jigerli jaýap bergeni kóńilden shyǵady.
Ázimbaı ǴALI,
saıasattanýshy
