Aýdan basshysynyń aıtýynsha, bıylǵy jyly sonymen birge №11 emhana ǵımaratyn kúrdeli jóndeýmen seısmıkalyq nyǵaıtý júrgiziledi. Osyǵan oraı JSQ ázirlenip, bıyl osy eki nysan boıynsha qurylys-montaj jumystaryn bastaý josparlanýda. Sondaı-aq qazirgi ýaqytta bir aýysymda 240 adam qabyldaıtyn emhana salý úshin jobalyq qujattamany ázirlenýde. Al Kókmaısa shaǵyn aýdanynyń turǵyndaryna yńǵaıly bolý úshin medısınalyq pýnkti ashylǵan. Onda turǵyndar MÁMS jáne tegin medısınalyq kómektiń kepildik berilgen kólemi sheńberinde bazalyq medısınalyq qyzmetterdi ala alady.
Bilim berý nysandaryn ashýǵa baılanysty 300 oryndyq №57, 150 oryndyq №102, 600 oryndyq №177 mektepterge japsarlas qurylystar júrgizilýde. Bul mektepterdegi japsarlas qurylysty aıaqtaý merzimi aǵymdaǵy jyldyń qyrkúıegine josparlanyp otyr. Sonymen qatar, №43 mekteptiń ashanasyna japsarlas qurylys salý jáne №80 jáne №129 mektepterde seısmıkalyq kúsheıtýmen kúrdeli jóndeý júrgizý josparlanýda (JSQ ázirlengen).
Qajettilikke baılanysty qala ákimi №103, 112, 148, 101 mektepterge japsarlas qurylystar salý úshin JSQ ázirleý jónindegi usynysqa qoldaý bildirgen. Qazirgi kezde jobalyq qujattamany ázirleý jumystary bıyl bastalady. Budan bólek, Aınabulaq-4 sh/a ornalasqan qaraýsyz qalǵan balabaqshanyń ornyna 160 oryndyq jańa balabaqsha salynady. JSQ memlekettik saraptamanyń qaraýynda jatyr. Sondaı-aq, Almaty Avtomehanıkalyq kolledjiniń stýdentteri úshin 350 oryndyq jataqhana qurylysyn bastaý josparlanýda.
