Aımaqtar • 06 Qańtar, 2021

85 mıllıon teńge: Oralda qar ústine tas tósemek bolǵandardyń isi áshkere boldy (vıdeo)

631 ret

kórsetildi

1 mın

oqý úshin

Oralda qarǵa tas tósep jatqandardyń vıdeosy tarady. Áshkere bolǵan jumysqa tapsyrys berýshiler osy jaǵdaıǵa qatysty pikir bildirdi, dep habarlaıdy Egemen.kz.Merdiger uıymnyń qyzmetkerleri Iаroslavskaıa kóshesinde jóndeý jumystaryn júrgizgen. Jergilikti turǵyndar qurylysshylardyń qarǵa tas tósep jatqanyn vıdeoǵa túsirip alǵan.

Dınar KERIM

85 mıllıon teńge: Oralda qar ústine tas tósemek bolǵandardyń isi áshkere boldy (vıdeo)

Jumysqa tapsyrys berýshi Oral qalasynyń Turǵyn úı-kommýnaldyq sharýashylyǵy, Avtomobıl joldary jáne jolaýshylar kóligi bólimi (TKSh, JK jáne AJ) ekeni belgili boldy. Munda merdiger «Qazqurylysgarant» JShS ekeni habarlandy. Joba somasy - shamamen 85 mıllıon teńge.

«Bul jumystar bıýdjet qarajatynan tólenbeıdi. Merdiger uıym jobany merziminde aıaqtaı almady. Biz merdigerdi Memlekettik satyp alýlardyń josyqsyz qatysýshysy dep taný týraly sotqa talap aryz berdik», dedi Oral qalasynyń TKSh, JK jáne AJ bóliminiń bas mamany Gúlsana Berdiǵalı.

Merdiger uıymnyń basshysy jumysty onyń qyzmetkerleri júrgizgenin moıyndady.

«Turǵyndar aýdany 15 sharshy metr ýchaskede tas tóseý jumystaryn vıdeoǵa túsirip alǵan. Bul kóshede eki jańa ǵımarat salynyp jatyr. Aýyr tehnıka tóselgen tastardy qıratty. Bizde osy qurylys materıalynyń eki paketi qaldy. Men olardy osy jerge salýdy sheshtim», dedi «Qazqurylysgarant» JShS dırektory Safa Azızov.