J.Bekshın atap ótkendeı, Almaty qalasy «sary» aımaqta tur. Megapolıste indettiń ekinshi tolqynynyń órshýi qazan aıynda bastaldy, 3 aıda KVI jaǵdaılaryn tirkeý 14 ese ósti. Qańtar aıynyń 7 kúninde KVI-diń 700-den astam jaǵdaıy tirkeldi, qańtar aıyna boljam qolaısyz jáne 4500-ge deıin jaǵdaıdy quraıdy.
Sońǵy 14 kúnde 20-39 jastaǵy azamattar arasynda syrqattanýshylyq 35% -dy, 40-59 jas aralyǵynda 33%-dy quraıdy, bul shekteý sharalaryn buzý, korporatıvtik keshterdi ótkiz, saýda-sattyq oryndaryna barýdan týyndap otyrǵan jaǵdaı.
«Aýrý juqtyrýdy tómendetý úshin áli de adamdar kóp jınalatyn oryndarǵa barýdan bas tartýdy suraımyz. Sonymen qatar, vırýstyń taralýyn toqtatý úshin ashyq aýada maska taǵý, araqashyqtyqty qatań saqtańyzdar. Koronavırýstyq ınfeksııamen aýyrǵan naýqastarmen jáne jumys orny boıynsha baılanysta bolǵan adamdar úıde qalyp, tegin negizde tekserý úshin telefon arqyly emhanaǵa habarlasýy kerek. Almaty qalasynyń azamattary men qonaqtaryna JRVI belgileri paıda bolǵan kezde dárigerdiń úıine shaqyrtýdy, zeınetkerlerge asa qajettiliksiz turǵyn úılerden shyqpaýdy usynamyz», dedi J.Bekshın almatylyqtarǵa.
