Almatyda pandemııa bastalǵaly beri KVI-diń 19 138 jaǵdaıy tirkeldi. Sońǵy táýlikte 105 jańa jaǵdaı anyqtaldy. Qazirgi ýaqytta saýyǵyp shyqqandar – 17 638 adam, bul juqtyrǵan barlyq jaǵdaılardyń 90% quraıdy.
N.Tabynbaevtyń aıtýynsha, koronavırýspen kúresýge baǵyttalǵan ýaqtyly qabyldanǵan sheshimder óz nátıjesin berýde. Infeksııalyq stasıonarlardyń júktemesi azaıdy, búginde 1 261 tósek jumys isteıdi, bul rette jalpy sanynyń 68% - y nemese 5 145 tósek-oryn rezervte tur. Qazirgi ýaqytta táýligine orta eseppen 40-tan 50-ge deıin pasıent aýrýhanaǵa jatqyzylady.
Pandemııa kezeńinde koronavırýstan qaıtys bolǵandardyń jalpy sany-389 adam, ólim-jitim kórsetkishi 1 000 adamǵa shaqqanda 0,2%-dy qurady. Almaty óńirler bólinisinde Nur-Sultan, Batys, Shyǵys Qazaqstan jáne Qaraǵandy oblystarynan keıin 5-shi oryn alady. Qatysýshylardyń ortasha jasy-65-80 jas.
Bizde reanımasııa bólimsheleri 50% jumys isteıdi. Bastapqy sany 80 reanımasııalyq tósek-oryn bolsa, olardy 110-ǵa deıin arttyrýǵa týra keldi. Aıta ketý kerek, ınfeksııalanǵan KVI arasynda kóptegen qatar júretin aýrýlary bar naýqastar sany aıtarlyqtaı ósti. Ár aýrý úshin 4-5 aýyr asqynǵan patologııalary bolady, olardyń órshýi qaıǵyly jaǵdaıǵa ákelýi múmkin.
«Sondyqtan qala turǵyndarynan úıden sırek shyǵýdy, adamdar kóp jınalatyn oryndarǵa barmaýdy, ózin-ózi emdemeýmen aınalyspaýdy jáne alǵashqy belgileri bolǵan kezde bilikti medısınalyq kómekke júginýdi suraǵym keledi», atap ótti N.Tabynbaev.
Ol búginde naýqastardy kovıdti klınıkalarǵa jatqyzý qatań túrde Jedel medısınalyq járdem qyzmeti arqyly júzege asyrylatynyn eske saldy.
Jedel járdem jumysynda júktemeniń tómendeýi baıqalady, KVI jáne pnevmonııamen aýyratyndar sany 69%-ǵa azaıdy.
Anyqtama úshin: eger 2020 jyly 15 maýsym men 5 shilde aralyǵynda Almaty qalasynda eń joǵary kórsetkish táýligine 8 000 ótinish, 5 000 qońyraý bolsa, búginde 2 500 ótinish, 1 700 qońyraý tústi.
