Medısına • 08 Qańtar, 2021

Oralda jańa aýrýhana ashyldy

180 ret kórsetildi

Oral qalasynda juqpaly aýrýlar aýrýhanasynyń jańa ǵımaraty ashyldy, dep habarlaıdy EEgemen.kz

Jańa aýrýhana Memleket basshysy Qasym-Jomart Toqaevtyń tapsyrmasymen jáne Qazaqstan úkimetiniń bastamasymen salyndy. О́tken jyly búkil adamzatty dúrliktirgen koronavırýs epıdemııasy elimizdiń ár óńirinde osyndaı zamanaýı ortalyq qajettigin anyq kórsetken bolatyn. О́ıtkeni pandemııa kezinde medısınalyq uıymdarǵa, eń aldymen ınfeksııalyq aýrýhanalarǵa úlken salmaq tústi. Jańa ǵımarat osy qajettilikti óteýge, naýqastardy jańasha emdeýge múmkindik beredi.

Modýldik stasıonardy engizý ınfeksııalyq aýrýhananyń múmkindigin edáýir keńeıtýge múmkindik bergen. Osyndaı modýldi ınfeksııalyq aýrýhanalar Qazaqstannyń barlyq oblys ortalyqtarynda salyndy. Bas merdiger kompanııa - BI-group - Qazaqstandaǵy qurylys kóshbasshylarynyń biri bolsa, Oraldaǵy aýrýhana ǵımaratyn BI-group-tyń enshiles kompanııasy - «KazPACO» JShS basqardy.

1

Oral qalasynyń «Juldyz» shaǵynaýdanynan bólingen 4 gektar aýmaq – oblys ortalyǵynyń ekologııalyq taza pushpaǵy. Aýrýhana qurylysyna shamamen 1000 adam qatysty, olardyń negizgi bóligi jergilikti turǵyndar edi.

Jańa modýldi aýrýhana 8 bloktan qurylǵan bir qabatty ǵımarattardan turady. Ol 200 tósekke eseptelgen. Munda 20 reanımasııa bólimshesi bar. Qurylys bar-joǵy úsh aı ishinde salynyp bitti.

Bul aýrýhana ǵımaraty pnevmonııamen aýyratyn, oń jáne jaǵymsyz CVI taralatyn naýqastardy, júkti áıelderdi, balalardy, qosymsha aýrýlary bar naýqastardy emdeýge jatqyzýǵa yńǵaıly. Infeksııa jolyn azaıtý úshin ár blokqa kirip-shyǵatyn avtonomdy esikter jasaqtalǵan. Medısına qyzmetkerleriniń demalys bólmesi, «las» aımaqqa kirer aldynda nemese odan shyqqan kezde kıim aýystyratyn arnaýly bólmeler jasaqtalǵan.

1

Aýrýhanayń ashylýyna qatysqan Batys Qazaqstan oblysynyń ákimi Ǵalı Esqalıev medısına ardagerlerimen birge barlyq bólme-jaıdy aralap kórip shyqty. Infeksııalyq aýrýhana dırektory Nadııa Ahmetova ár blokty tanystyryp, aýrýhana jabdyqtalǵan zamanaýı jabdyqtarmen tanystyrdy. Iаǵnı munda saraptamalyq synyptaǵy ýltradybystyq apparat, sıfrlyq rentgen apparaty; 32 tilim júıesi bar kompıýterlik tomografııa, bıomaterıaldardy zertteýge arnalǵan zerthanalyq analızatorlar, endoskopııalyq stendti beınebronhoskop sekildi qymbat ta qajetti quraldar bar. Aıta keteıik, aýrýhananyń medbıke quramy bul jabdyqtarmen jumys isteýge mashyqtanǵan.

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar