Bul turǵyn úı keshenine jańa jyl qarsańynda 600-den astam otbasy qonystandy. Elorda ákimdigi jumystyń nátıjeli aıaqtalýy úshin uıymdastyrýshylyq, quqyqtyq jáne ınjenerlik sıpattaǵy kóptegen qıyndyqtardy sheshti: úıdiń qasbetiniń jumysy, qajetti ınfraqurylymdy júrgizý (sýmen jabdyqtaý, jylytý, káriz, elektr júıesi), kireberisterdiń ishki árleýi, lıft ornatý, qujattardyń tolyq tizbesin qalpyna keltirý, abattandyrý jáne t.b.
Turǵyndardyń aıtýynsha, qazirgi ýaqytta úıdi paıdalanýǵa qatysty tehnıkalyq jáne quqyqtyq qıyndyqtardyń bári sheshildi.
«Bizge kómek qolyn sozǵan memleketke alǵysymyz sheksiz. Bıliktiń qoldaýynyń arqasynda qazir tolyqqandy ómir súrip jatyrmyz. Búginge deıingi qurylystyń aıaqtalýyna qatysty senimsizdik, úmitpen qaraý, qınalǵanymyz, bári artta qaldy. Jańa jyl qarsańynda jyly, jaıly páterlerge kóship, ómirimizdi taza paraqtan bastaǵandaı boldyq», — deıdi «Jaǵalaý-3» TK, 30-blok turǵyny Merýert Serikbaeva.
Esterińizge sala keteıik, jańa jyl qarsańynda qalanyń basty uzaq qurylystarynyń biri aıaqtalyp, turǵyndar qonys toıyn toılady. «Jaǵalaý-3» TK, 30-blogynyń qurylysy segiz jylǵa sozyldy.
