Polısııa departamentiniń Krımınaldyq polısııa qyzmetkerleri áleýmettik jelilerdi tekserý kezinde, ıntımdik qyzmet kórsetý týraly habarlandyrý jarııalanǵan saıtty baıqaǵan.
Jedel-izdestirý sharalaryn júrgizý barysynda 24 jastaǵy áıel adam saıt arqyly jeńgeteılyqpen aınalysqany belgili boldy. Ol saıtta baılanys derekterin kórsetip, úsh áıeldi tirkep, qyzdar týraly jáne jalǵa beriletin páterler men apartamentterge shyǵý týraly aqparat berip otyrǵan. Klıentterden barlyq tapsyrystardy ózi qabyldaǵan. Al ıntımdik qyzmet kórsetetin qyzdar túsken qarajatynyń 50 paıyzyn berip otyrǵan.
Byltyr jeltoqsannyń sońynda «Quqyqtyq tártip» sharalaryn ótkizý barysynda 24 jastaǵy kúdiktige qatysty jeńgetaılyq faktisi anyqtaldy. Kúdikti habarlasqan klıentterden tapsyrystar qabyldap, qalalyq saýnalardyń birinde qosymsha aqy úshin ıntımdik qyzmet kórsetetin qyzdardy taýyp berip otyrǵan, - dedi ShQO PD bastyǵynyń orynbasary Talǵat Shaıahmetov.
Atalǵan fakt boıynsha Qylmystyq Kodekstiń 309-babynyń 1-bóligi (Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq) boıynsha sotqa deıingi tergeý amaldary júrgizilýde.
О́skemen
Shyǵys Qazaqstan oblysy
