«Oblystyq, respýblıkalyq mańyzy bar qalalardyń, astananyń saılaý komıssııalary usynǵan derekterge sáıkes, 2021 jylǵy 10 qańtardaǵy Nur-Sultan ýaqytymen saǵat 7-degi jaǵdaı boıynsha 12 óńirde 8 141 saılaý ýchaskesi daýys berýge kiristi.
Sondaı-aq 12 shet memlekettegi QR ókildikteri janyndaǵy 12 ýchaskede daýys berý bastaldy. QR-da barlyǵy 10 060 saılaý ýchaskesi bar. Onyń ishinde 66 saılaý ýchaskesi - 53 shet memleketterdegi ókildikter janynda», - dedi ol. Onyń atap ótýinshe, «QR-daǵy Saılaý týraly» Konstıtýsııalyq zań aıasynda aýmaqtyq saılaý komıssııalary qabyldaǵan sheshimderge sáıkes 47 ýchaskede daýys berý tańǵy saǵat 6-da bastaldy.
«Ýaqyt beldeýleriniń shekarasyna sáıkes, 5 óńirde – Aqtóbe, Atyraý, Batys Qazaqstan, Qyzylorda jáne Mańǵystaý oblystarynda saılaý ýchaskelerinde daýys berý jergilikti ýaqyt boıynsha saǵat 7-de, ıaǵnı, Nur-Sultan ýaqytymen 8-de bastalady», dedi Asylbek Smaǵulov.
