Oblys ortalyǵyndaǵy saılaýshylar sany 255 myńnan asady. Taraz qalasy ákimdiginiń málimetinshe, qazirgi tańda barlyq saılaý ýchaskeleri saıası naýqanǵa saqadaı-saı. Ýchaskelerde sanıtarlyq talaptar saqtalyp, qorǵanysh quraldarymen tolyq qamtamasyz etilgen.
Sonymen qatar tarazdyqtardyń saılaý ýchaskesine esh kedergisiz jetýi jáne daýys berýine qolaıly jaǵdaı jasaý maqsatynda bul kúni qaladaǵy qoǵamdyq kólik jolaýshylardy tegin tasymaldaıdy. Tańǵy saǵat 07:00-den keshki saǵat 20:00-ge deıin qalalyq avtobýstar jolaýshylardyń tegin tasymalyn júzege asyrady.
Aıta ketý kerek, qoǵamdyq kólikter baǵdary qalypty keste boıynsha qatynaıtyn bolady. Iаǵnı olardyń qozǵalys syzbasyna eshqandaı ózgerister engizilgen joq.
Áıtkenmen, avtobýstar qysqartylǵan rejımde jumys isteıdi. Al, eldegi epıdemııalyq jaǵdaıdy eskere otyryp, qoǵamdyq kólik qyzmetin paıdalanatyn azamattardyń medısınalyq betperde taǵý rejımin jáne áleýmettik qashyqtyqty saqtaýy qatań talap etiledi.
