Tańǵy saǵat 07-de oblystaǵy barlyq 650 saılaý ýchaskesi óziniń esikterin aıqara ashyp, saılaýshylardy qarsy aldy. Oblysta 14 aýmaqtyq saılaý ýchaskesi bar. Aýmaqtyq ýchaskeler óńirdegi barlyq 13 aýdannyń ortalyqtary men oblys ortalyǵynda ornalasqan.
Táýelsizdik jyldary Soltústik Qazaqstannyń saılaýshylary barlyq saılaýǵa belsene qatysyp keledi. Búgingi saılaýǵa da oblys turǵyndary belsene qatysty. Árkim ózi qalaǵan partııasyna daýysyn berýge asyqqan adamdardy Petropavldyń barlyq túkpirinen kórýge bolatyn edi.
Bıylǵy saılaýdyń ereksheligi – barlyq deńgeıdegi depýtattar partııalyq tizim boıynsha saılandy. Bul qazaqstandyq parlamentarızmdi damytýdyń taǵy bir qadamy boldy.
Keshki saǵat 20.00-degi málimetke qaraǵanda soltústikqazaqstandyq saılaýshylardyń 75,5 paıyzy saılaýǵa qatysyp, óz daýystaryn bergen. Bul respýblıka boıynsha aldyńǵy oryndardyń biri.
Jalpy, teriskeılikter ózderiniń qalaýyn aldyn ala belgilep, elimizdegi tynyshtyq pen turaqtylyqqa daýys bergeni sózsiz.
Soltústik Qazaqstan oblysy
