Qalypty jaǵdaıda ótti

10 qańtar kúni barlyq saılaý ýchaskelerinde  saılaý qalypty ótti, turǵyndar ózderi tirkelgen mekenjaılary boıynsha ýchas­kelerge kelip, kidirissiz daýys­taryn berip jatty. Bul kúni ob­lys ortalyǵyndaǵy birneshe saılaý ýchaskesinde saıası partııa­lar men qoǵamdyq birlestikter fılıaldarynyń, TMD men EQYU baıqaýshylary da bol­ǵanyn aıta ketken jón.

Saılaý ýchaskelerinde sa­nı­tarlyq-epıdemııalyq ta­lap­­tar qatań saqtaldy. Sondaı-aq múmkindigi shek­teý­li azamattardyń daýys be­rýine yńǵaıly bolýy úshin bar­­lyq saılaý ýchaskeleriniń ki­re­berisine pandýstar ornaty­lyp, arnaıy esik tutqalary saly­nyp, mańyzdy aqparattar toptastyrylǵan monıtorlar ornatyldy.

COVID-19 koronavırýs ın­feksııasynyń taralýyn boldyrmaý maqsatynda barlyq ýchaskelerde bul kúni medısına qyzmetkerleri men eriktiler kezek­shilikke shyǵyp, daýys be­rýshi azamattardyń  áleýmettik ara­qashyqtyqty saqtaýyn jáne olardyń betperde kııýin qatań baqylady. 10 qańtarda  óńirdegi barlyq saılaý ýchaskelerinde tártip buzǵandar men basqa da óreskel jaǵdaılar tirkelgen joq. Saılaý qalypty ótti dep aıtýǵa bolady.

Aqtóbe oblysy