Qańtardyń qaqaǵan kúnderiniń birinde ol «Gazel» avtokóligimen kezekti reısinen úıine kele jatyp, qıyn jaǵdaıǵa tap bolady. Saǵat tańǵy bester shamasynda janar-jaǵarmaı júıesiniń isten shyǵýyna baılanysty kólik toqtap qalǵan. Jolda jan adam joq, uıaly baılanys ta istemeıdi. Qaharyna mingen aıaz jaǵdaıdy ýshyqtyra túsken, onyń ústine kabına esiginiń tutqasy synyp qalǵan. Nátıjesinde 36 jasar júrgizýshi jylynýdyń qamyn jasap, mashınany aınala júgirgen, qosalqy dońǵalaǵyn jaqqan...
Tek túske qaraı ǵana ony aýyldyqtar Qýlykólge jetkizgen. Ýchaskelik ınspektor Almas Sultanov aýyldan 20 shaqyrym jerde synyp qalǵan «Gazeldi» traktormen aýylǵa súırep ákelip, sharýa qojalyǵynyń jyly boksyna qoıǵan. «Synǵan kólikti jóndeýge, júrgizýshiniń jylynýyna jáne tynyǵýyna jaǵdaı jasaǵan ShQ basshysy Saıan Múbarakovqa, aýyl turǵyndary Aıbek pen Noıan Jumabekovterge, sondaı-aq Ǵadilet Qaıyrbaevqa alǵys bildirgim keledi», - deıdi polısııa kapıtany Almas Sultanov.
Erteńine «Gazel» avtomashınasy jóndelip, ýchaskelik ınspektor Nurbol Aqbaevty jolǵa shyǵaryp salady. Al keshkisin Nur-Sultan qalasyna, úıine aman-esen oralǵandyǵyn aıtyp, júrgizýshisi habarlasqan.
Soltústik Qazaqstan oblysy
