Almaty qalasy Bilim basqarmasynyń basshysy Lázzat Jylqybaeva О́ńirlik kommýnıkasııalar qyzmeti alańynda ótken brıfıng barysynda aǵymdaǵy jyldyń aqpan aıynan bastap Almatyda jergilikti bıýdjetten memlekettik bilim berý tapsyrysy bar jeke balabaqshalarda balalardyń tamaqtaný shyǵyndaryn sýbsıdııalaý josparlanǵanyn atap ótti. Sýbsıdııa somasy 18 900 teńgeni quraıdy.
«Bul jumys jeke sektormen talqylandy. Qazirgi ýaqytta ÚEU jáne jeke sektormen kelisim boıynsha ólshemder ázirlendi. Qabyldaý aqpan aıynyń basynda bastalady. Qarajat ótinimderdiń túsýine baılanysty anyqtalady. Qansha oryn anyqtalsa, sonsha orynǵa qarjy bólinedi», - dedi L.Jylqybaeva.
Qazirgi ýaqytta 397 jekemenshik balabaqshada memlekettik bilim berý tapsyrysy qoldanysta. Bul bir balaǵa aıyna 28 myń teńge. Sonymen qatar, tamaqtaný úshin 18 900 teńge qosymsha sýbsıdııa tek qosymsha oryndar úshin beriletini aıtyldy. L. Jylqybaeva atap ótkendeı, jeke uıymdardyń baǵdarlamaǵa qatysýy úshin kelesi talaptar talqylanýda. Iаǵnı, mektepke deıingi uıymnyń materıaldyq-tehnıkalyq bazasynyń mektepke deıingi tárbıe salasyndaǵy normatıvtik-quqyqtyq aktilerge mindetti túrde sáıkestigi, ıaǵnı sanıtarlyq-epıdemıologııalyq normalar saqtalýy jáne de tamaqtaný jáne qosymsha bilim alý úshin ata-ananyń aqy tóleý jıyntyǵy aıyna 60 myń teńgeden aspaýy qajet ári bul jaǵdaıda ata-analardyń usynys-pikirleri eskeriletin bolady.
ALMATY
