Búgin oblystyq bilim basqarmasynyń basshysy Záýre Baımenova óńirlik kommýnıkasııalarqyzmetinde ótken baspasóz jıynyna qatysyp, bilim berý úderisiniń úshinshi toqsanda qalaı uıymdastyrylatyny týraly baıan etti.
Basqarma basshysynyń sózinshe, óńirde jalpy sany 31 myńnan astam bala bilim alatyn 114mekteptegi 1-5-synyptarda 2611 kezekshi top jumys isteıdi.
«Oqytýdy uıymdastyrý bylaısha júrgiziledi: Oqý pánderiniń 70%-y mektep qabyrǵasynda, 30%-y qashyqtan oqytylady. Mysaly, algebra, geometrııa, fızıka, hımııa, bıologııa, tarıh pánderishtattyq rejimde, mektep partasynda oqytylady. 9, 11-synyp pánderi boıynsha oqý josparynyń saǵattaryn bólý qaıta qaralýy múmkin. Joǵarysynyp oqýshylarynyń ata-analarynan ótinishter talap etilmeıtinin atap ótkim keledi, bul synyptar tolyq quramda aralas formatta oqıtyn bolady» - dedi Z.Baımenova.
О́ńirdegi qalǵan 114 mekteptegi 38 myńnan astam bala qashyqtan bilim alady. Sonymen qatar, ata-analar men muǵalimderdiń kelisimi boıynsha qosymsha sabaqtar men oqýshyǵa jeke keńes berý úshin shaǵyn toptar ashylýy múmkin. Mundaı toptardaǵy oqýshy sany bes baladan aspaıtyn bolady.
Oblystaǵy kolledjder de bilim berý formatyn ózgertti. Ekinshi semestrden bastap 1 kýrs stýdentteri kolledj partasyna otyratyn bolady.
Qostanaı oblysy
