Áleýmettik máselelerge nazar aýdaryldy

Senat depýtattary Murat Baqtııaruly men Lázzat Súleımen Qyzylorda oblysy Jańaqorǵan aýdanyndaǵy zamanaýı qural-jabdyqpen jabdyqtalǵan «Orda-Syǵanaq» shıpajaıyndaǵy qyzmetkerlerimen kezdesti. Kezdesýde týrızm salasyna qatysty memleket tarapynan kórsetilip jatqan jeńildikter men qoldaýlar týraly jan-jaqty áńgime qozǵaldy. Aýdandyq ortalyq stadıonda sportshylarmen jáne nusqaýshylarmen kezdesý barysynda jaqynda elimizdiń keıbir zańnamalyq aktilerine mádenıet, dene shynyqtyrý jáne sport máseleleri boıynsha túzetýler qabyldaý týraly zańnyń negizgi maqsattary men mindetterin tolyqtaı túsindirip berdi. Depýtattar aýdandaǵy 600 balaǵa arnalyp salynyp jatqan orta mekteptiń qurylys alańyna baryp, qurylysshylarmen kezdesti. Mektep qurylysy osy jyly aıaqtalyp 1 qyrkúıekte qoldanysqa beriletini aıtyldy. Senatorlar Shıeli aýdanyndaǵy sement zaýytynyń jumysshylarmen, aýdandyq kópsalaly aýrýhana dári­ger­lerimen, Shıeli ındýstrııalyq-agrar­lyq kolledjiniń muǵalimderimen kezdes­ti. Shıeli aýdanynyń qarttarymen kezde­sýde «Ardagerler týraly» zańnyń múm­kindikteri men mindetteri týraly aıtyldy.

* * *

Senatorlar Baqtybaı Shelpekov pen Súıindik Aldashev Mańǵystaý oblysy Jańaózen qalasynda gaz-porshendi elektr stansasynyń ujymymen kezdesti, jańadan ashylǵan jumys oryndaryn kórdi jáne ekonomıkany ártaraptandyrý, ındýs­trııalandyrý jáne otandyq taýarlardy syrtqy naryqqa shyǵarý máselelerimen tanysty. Jańaózen qalasyndaǵy qant zaýytynyń eńbek ujymymen kezdesýde 2020 jyly Qazaqstanda qabyldanǵan jańa zańdar, olarǵa engizilgen túze­tý­ler men tolyqtyrýlar týraly aıtylyp, qoıylǵan suraqtarǵa jaýap berdi. «Bilim-Innovasııa» lıseı-ınter­na­ty­nyń ustazdarymen, «Mu­naıshy» máde­nıet úıinde qala turǵyn­da­rymen kezde­sýde pedagogterdiń qoǵam­da­ǵy bedeli­niń kóterilýimen qatar, olar­dyń eńbekaqysynyń ulǵaıýy, Jańa­ózen qa­lasynyń ońtústigine taman 70 shaqy­rym­da ornalasqan «Kendirli» aımaǵyn­daǵy Toqmaq jerinde sý tushytý zaýyty qury­lysyn salý jospary týraly aıtyldy.

* * *

Senat depýtattary Ábdáli Nuralıev pen Bekbolat Orynbekov Jambyl obly­syn­daǵy jumys sapary barysynda Taraz­­daǵy birqatar nysandy aralap, qa­lanyń tynys-tirshiligimen tanysty. Senat depýtattary №4 orta mektep­­tiń eski ǵımaratyn jańǵyrtý jumys­­tary men Á.Bókeıhanov atyndaǵy №1 gım­­nazııaǵa qosymsha retinde salynyp jat­qan 300 oqýshyǵa arnalǵan ǵıma­rat qury­lysyn kórdi. Koronavırýs qaýpi seıilmegen shaqta ınfeksııanyń tara­lýy­na qarsy jáne emdeý sharalaryna daıyndyqty tekserý de nazardan tys qal­mady. Senatorlar oblystyq 200 oryndy juqpaly aýrýlar aýrýhanasy jáne me­dı­sınalyq jabdyqtar shyǵaratyn «Ámir jáne D» zaýytynyń jumysymen de ta­nys­ty. Bilim men densaýlyq saqtaý sala­syn­daǵy obektilerdi aralaǵannan keıin «Taraz­energoortalyǵyndaǵy» TEO-4 qazan­dyqtyń jumysyn baqylady.

* * *

Senator Vladımır Volkov Almaty oblysynyń Qarasaı aýdanynda máslıhat jáne jergilikti atqarýshy organdardyń, sondaı-aq prokýratýra ókilderimen kezdesti. Sonymen birge Jibek joly aýyly mańynan ótetin joldy qaıta qal­pyna keltirý jumystarymen tanys­ty. Prokýratýra ókilderimen kezdesýde «Qazaqstan Respýblıkasynyń keı­bir zańnamalyq aktilerine Qylmystyq pro­seste azamattardyń quqyqtaryn qorǵaý­dy jáne sybaılas jemqorlyqqa qarsy is-qımyldy kúsheıtý máseleleri boıyn­sha ózgerister men tolyqtyrýlar engizý týraly» zańnyń jańa normalaryn tal­qylady. Odan bólek, kámelet jasyna tolmaǵandarǵa qarsy qylmystyq áreketter úshin jaýapkershilikti kúsheıtý sharalary, sybaılas jemqorlyqqa qarsy zańnamalar jáne basqa da ózekti máseleler boıynsha sóz qozǵady. Senat depýtaty aýdandyq jolaýshylar kóligi jáne avtomobıl joldary bóliminiń ókilderimen de kezdesip, sapaly jol qurylysy úshin qajetti tehnıkamen jáne qurylys materıaldarymen jabdyqtaý máselesin talqylady.

* * *

Senat depýtattary Ǵumar Dúısembaev pen Saǵyndyq Luqpanov Atyraý munaı óńdeý zaýytynyń óndiristik qyzmetimen, josparly jóndeý nátıjelerimen, «Tazalyq» jobasymen jáne ózge de bıznes-jobalarmen tanysty. Depýtattar zaýyt jumysshylarymen kezdesip, olardyń áleýmettik qamtylý máselelerin tyńdady. Sondaı-aq olar Atyraý qalasyndaǵy kárizdik sýlardyń býlaný alańynyń jumystarymen de tanysty. Buǵan deıin Atyraý oblysy ákimdigi men «Atyraý munaı óńdeý zaýyty» JShS arasynda Atyraý qalasynyń sol jaǵalaýyndaǵy «Sasyqsaı» býlaný alqabyn qalpyna keltirý jónindegi memorandýmǵa qol qoıylyp, naqty jumystar men olardyń oryndalý merzimi kórsetilgen «Jol kartasy» bekitilgen bolatyn. Zaýyt 2022 jyldyń aıaǵyna deıin 860 gektar jerdi qalpyna keltiredi.

Sondaı-aq senatorlar Atyraý qala­syn­daǵy «Bereke» shaǵyn aýdany men «Tal­qaırań» eldi mekenindegi «Nurly jer» baǵdarlamasy boıynsha salynyp jat­qan turǵyn úı qurylysynyń alańynda bol­dy. Talqaırań aýyly mańynan boı kóte­retin jańa shaǵyn aýdandarda 25 myń­nan asa páterli 430 turǵyn úı salý jospar­lanǵan.

Senatorlar Isataı aýdanyna qaras­ty Qyzylúı eldi mekenine gaz tartý máse­lesimen tanysty. Senat depýtattary jaǵdaıdy burynnan biletinderin aıtty jáne eldi mekenge gaz tartý múmkindigin qarastyrýǵa ýáde berdi. Sondaı-aq senatorlar Maqat aýdanynda áleýmettik nysan qurylystarymen, Dossor kentinen Maqat aýylyna tartylatyn káriz tazartý júıesiniń jumysyn kórdi. Uzyndyǵy 38 km bolatyn sý sorý júıesiniń jobanyń quny 3 mlrd 762 mln teńge boldy. Qazirgi kezde júıeniń jobalyq-smetalyq qujattamasy jasaqtalyp, saraptama nátıjesi kútilýde.

* * *

Senator Dáýren Ádilbekov Aqmola oblysynyń Aqkól aýdanynda «Bıznestiń jol kartasy-2025» memlekettik baǵ­dar­lamasy aıasynda aýyldyq eldi mekenderde paı­dalanýǵa berilgen nysandarmen tanysty. Olardyń biri – Eńbek aýylyndaǵy kúrdeli jóndeýden ótkizilgen «Eńbek» mádenı-sport kesheni. Sonymen qatar  sena­tor «Eńbek» mektebine jáne sút ónim­deri fermasyna bardy. Kásiporyn jumys­shylarymen kezdesýde aýyl sharýa­shylyǵyn damytýǵa arnalǵan sýbsıdııalardy alý tetikterin jeńildetý, mal jaıy­lymdaryna qatysty problemalardy sheshý máseleleri talqylandy.

Depýtat Kókshetaý qalasynda jańa onkologııalyq emhananyń jumysymen tanysty. Bul nysan jergilikti jáne oblys turǵyndaryna emdelýge, onkologııalyq aýrýlardy erte kezden anyqtaýǵa jáne joǵary deńgeıde medısınalyq kómek alýǵa múmkindik beredi.

Depýtat Býrabaı aýdanyna da baryp, memlekettik ındýstrııalyq-ınnovasııalyq damý baǵdarlamasy aıasynda salynǵan nysandardyń jumysyna nazar aýdardy. Shýchınsk qalasynda senator týrıstik nysandardyń qurylysymen tanysyp, jergilikti ákimdik ókilderimen óńirde týrızmdi damytýǵa kedergi keltirip otyrǵan máselelerdi talqylady. Sondaı-aq depýtat Makınsk qalasyndaǵy qus fermasynyń jumysshylarymen kezdesti.