Modernızasııalaý baǵdarlamasy qala ákimi Baqytjan Saǵyntaevtyń tapsyrmasy boıynsha qolǵa alyndy. Almatynyń medısınalyq uıymdarynyń materıaldyq-tehnıkalyq jabdyqtalýyn jaqsartý úshin 2020 jyly jergilikti bıýdjetten 43,1 mlrd teńge bólindi.
Bul qarjyǵa О́JJ 285 apparaty, joǵary aǵyndy O2FLO ottegi terapııasynyń 250 apparaty, 1050 ottegi konsentraty satyp alyndy.
Almaty Qoǵamdyq densaýlyq basqaramasyna qarasty medısınalyq uıymdarǵa 47 birliktegi rentgen apparaty, 52 ÝZI apparaty berildi.
Sondaı-aq, «Ortalyq qalalyq klınıkalyq aýrýhana» ShJQ MKK, I. Jekenova atyndaǵy qalalyq klınıkalyq juqpaly aýrýlar aýrýhanasy» ShJQ MKK, Modýldi ortalyqqa, «Balalardyń qalalyq klınıkalyq juqpaly aýrýlar aýrýhanasy» ShJQ MKK, «Jedel medısınalyq kómek kórsetýdiń qalalyq aýrýhanasy» ShJQ MKK,«Ftızıopýlmonologııa ortalyǵy» ShJQ MKK-lerge 6 ottegi stansııasy ornatyldy.
Modernızasııalaý aıasynda №4 Qalalyq klınıkalyq aýrýhanaǵa ornatylǵan jańa mýltıspıraldi MSKT – Hitachi Supria, 128 tilimdi kompıýterlik tomografııa iske qosyldy. Onyń artyqshylyǵy, júrek pen koronarlyq arterııalardyń aterosklerotıkalyq ótkizgishtigin anyqtaıdy ári tez skaner jasaıdy, óıtkeni tıisti hattamalar jasaý úshin jedel skanerleý qajet.
16 tilimdi apparatta bir anatomııalyq deneni skanerleý 12-den 35 sekýndqa deıin sozylatyn bolsa, 128 tilimdi apparatta skanerleý 8 ese jyldam jasalady.
