Jańa zaýyt iske qosylsa, munda jylyna 20 myń tonnaǵa deıin et óńdeletin bolady. «Beef Export Group» seriktestiginiń bastamasymen qolǵa alynǵan aýqymdy jobanyń quny – 5,1 mlrd teńge.
Aımaq basshysy Arhımed Muhambetov jańa salynyp jatqan nysanǵa baryp, qurylys barysymen tanysty.
«Zaýyt iske qosylsa, 180-nen astam jańa jumys orny ashylmaq. Jobany bıznesti damytý ınstıtýttary qoldaǵanyn jáne «Qarapaıym zattar ekonomıkasy» baǵdarlamasy aıasynda júzege asyrylyp jatqanyn atap ótken jón. Atalmysh joba oblysqa kelip jatqan et ımportyn azaıtyp, negizgi shıkizat kózi bolyp tabylatyn jergilikti sharýa qojalyqtaryn damytýdy kózdeıtinin atap ótkim keledi», dedi oblys ákimi.
Et óńdeý zaýytynyń ákimshilik-turmystyq ǵımaraty, avtokólik jýatyn eki kesheni, sanıtarlyq-turmystyq ǵımaraty men sheberhanasy, et óńdeıtin negizgi óndiris alańy men qosymsha ınfraqurylymdyq nysandary bar. Zaýyt qurylǵylary Eýropa elderinen, atap aıtqanda, Polsha, Reseı, Italııa memleketterinne ákelinbek.
Qazir zaýyt ǵımaratynyń qurylysy aıaqtalyp, negizgi óndiristik ǵımaratta qurylys-montajdaý jumystary júrip jatyr. Et óńdeý kesheni bıyl kúzge qaraı iske qosylmaq.
