Tekserý nátıjeleri boıynsha jalpy somasy 107,7 mln teńgege QR ÁQBtK-niń 425-babynyń 1-bóligi shekteý is-sharalaryn saqtamaǵany úshin 1008 ákimshilik quqyq buzýshylyq týraly hattama toltyrylǵan. Zańdy tulǵalarǵa-77,4 mln teńge somaǵa 281; jeke tulǵalarǵa qatysty betperde rejımin buzǵany úshin QR ÁQBtK-niń 425-babynyń 1-bóligi boıynsha 30 mln teńge somaǵa 727 ákimshilik quqyq buzýshylyq týraly hattama jasaldy.
Aıta keteıik, aǵymdaǵy jyldyń 4-10 qańtar aralyǵynda 72 tekserý júrgizilip, 524 nysan qamtylǵan. 16 (3%) nysanda karantındik sharalardy buzý faktileri anyqtaldy. Jumys nátıjeleri boıynsha tekserý júrgizýge kedergi keltirý boıynsha 462-baptyń 1-tarmaǵy boıynsha jabýǵa 18 materıal jáne zań buzýshylyqtardy joıý týraly nusqamany oryndamaǵany úshin 462-baptyń 3-tarmaǵy boıynsha sotqa berildi.
Medeý aýdany boıynsha - 7 materıal («Manana»-2 meıramhanasy, «Otrar bar» JShS (Tansy) -4, «Sentral»-1 dámhanasy, «Hookan Dreems»-1 lanýdj bary, «Global Fýdend» JShS Nebo-1 bary, «Oranjerı Group» JShS 1 - restobar, «BM Trade Company» JShS «Artıst»-1 bary); Túrksib aýdany boıynsha - 4 materıal («Raıana» meıramhanasy Ilahýnov JK, «Atlantıs» bılıard klýby Bıjanov R.M. JK, «Provans» dámhanasy, «Shashlychnyı dvor» dámhanasy); Almaly aýdany boıynsha - 4 materıal («Aragosta» dámhanasy, «Degırmen», «Doremı» karaokesi, «Fınık»-3 meıramhanasy) berilgen.
Áýezov aýdany boıynsha - 3 materıal ( «Mıata»-1 lanýdj bary, «Almaly»-2 karaoke- bary, «Playstation Go»-1 oıyn klýby). Sot sheshimi shyqqan kásiporyndar qatarynda Almaly aýdany boıynsha: «Do re mı» karaokesi Muqanov kóshesi, 130 Bıseneva L. JK, «Degırmen» dámhanasy Abaı dańǵyly, 91 «ASM group» JShS 1 aıǵa qyzmetin toqtata otyryp, 100 AEK aıyppul salý týraly sheshim shyǵardy. «AsJan» JK «Aragosta» dıskotekasy boıynsha 100 AEK aıyppul salynyp, qyzmeti 3 aıǵa toqtatyldy.
Túrksib aýdany boıynsha: «Shashlychnyı dvor» dámhanasynyń qyzmeti 1 aıǵa toqtatatylyp, 100 AEK mólsherinde aıyppul salyndy. Bıjanov. R JK, «Atlantis» bılıard klýbyna qatysty sot jeke kásipker Renat Maratovıch Bıjanovty Qazaqstan Respýblıkasynyń «Ákimshilik quqyq buzýshylyq týraly» Kodeksiniń 462-babynyń 3-bóliginde kózdelgen ákimshilik quqyq buzýshylyq jasaǵany úshin kináli dep tanydy jáne Almaty qalasy, Namanganskaıa kóshesi, 35 mekenjaıy boıynsha ornalasqan «Atlantis» bılıard klýbynyń qyzmetin 1 aı merzimge toqtata otyryp, memlekettik bıýdjet kirisine 277800 teńge ákimshilik aıyppul túrinde ákimshilik jaza qoldandy.
– Ákimshilik sot Ilahýnov JK «Raıana» dámhanasy, «Provans» dámhanasy DıSı Garıbıan JK qatysty QR ÁQBK-niń 462-babynyń 3-bóligine sáıkes kináli dep tanydy, nysannyń qyzmetin 1 aıǵa toqtata otyryp, 100 AEK mólsherinde ákimshilik jaza taǵaıyndaldy. Al Medeý aýdany boıynsha: Sot «Bm Trade Company» JShS «Artıst»-1 baryna qatysty qyzmetin toqtatý týraly sheshim qabyldady. Sot «Hookan Dreems» dámhanasynyń «Suddenly» JShS, «Oranjerı Group» JShS, «Oranjerı» restobaryn QR «Ákimshilik quqyq buzýshylyq týraly» Kodeksiniń 462-babynyń 3-bóliginde qarastyrylǵan ákimshilik quqyq buzýshylyq jasaǵany úshin 277 800 teńge kóleminde ákimshilik aıyppul salý týraly qaýly shyǵardy jáne Almaty qalasy, Medeý aýdany, Qaıyrbekov kóshesi, 35a meken-jaıy boıynsha ornalasqan qoǵamdyq tamaqtaný qyzmetterin usyný jónindegi qyzmetti usynatyn «Hookan Dreems» dámhanasynyń bir aıǵa toqtatty.
– Áýezov aýdany boıynsha: «Almaly» meıramhanasy, jeke tulǵa Saǵynbekov B-ǵa, 5 AEK mólsherinde aıyppul salyndy. 28.12.2020 j. «Almatınes» JShS-ne 230 AEK aıyppul salynyp, 1 aıǵa toqtatyldy. «Playstation Go»kompıýterlik klýby – 1, jeke tulǵa Dúısen A.J-ǵa qyzmetin 1 aıǵa toqtata turyp aıyppul salyndy.
Almaty ákimdigi qala turǵyndary men qonaqtaryn belgilengen sanıtarlyq-epıdemııalyq qaýipsizdik talaptaryn – betperde rejımin, áleýmettik qashyqtyqty saqtaýǵa jáne adamdar kóp jınalatyn oryndarǵa, ásirese belgilengen jumys rejimin buzatyn mekemelerge barýdan bas tartýǵa shaqyrady. Sanıtarlyq normalar buzylǵan jerlerde bolý koronavırýstyq ınfeksııanyń jappaı juqtyrý qaýpin arttyrady.
Bıznes sýbektileri kelýshiler men qyzmetkerlerdiń ómiri men densaýlyǵyn qorǵaý úshin nysan aýmaǵynda epıdemıologııalyq talaptardyń saqtalýyn qamtamasyz etýi, termometrııa júrgizýi, dezınfektorlardy ornatýy, maskalardy kııýi jáne olardy aýystyrý qaǵıdalarynyń saqtalýyn baqylaýy qajet.
