Almaty qalasynda 13 qańtarda saǵat 04.30-dan bastap qar jaýa bastady. Qar jaýa bastaǵan sátten kóktaıǵaqtyń aldyn alý úshin joldarǵa, qıylystarǵa, jolaıryqtarynyń kire beristerine muzdy eritetin materıaldar sebildi, túsken qar birden sypyrylyp, tazartyldy. Kóktaıǵaqqa qarsy 2650 m3 muzǵa qarsy materıaldar qoldanyldy.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, avtoturaq «qaltalaryn», jer ústi ótkelderin, saıabaqtar men skverlerdi qardan tazartý jumystary júrip jatyr.
Taýly, taý bókterinde aýdandarday, sondaı-aq jaıaý júrginshiler aımaqtarynda jaýǵan qar birden syrtqa sha shyǵarylýda.
Tańǵy «qarbalas saǵatta» qar tazalaý jumystary aıaqtalǵan soń saǵat 9. 00-den bastap jol polısııasy patrýldik mashınalarynyń erip júrýimen qar tazalaıtyn kolonnalar uıymdastyryldy.
Qalada qar tazalaý jumystaryna 630 arnaıy tehnıka birligi, onyń ishinde 234 qum laqtyrǵysh, 1907 jol jumysshysy jumyldyryldy. Aýdandar ákimdikteri men qala ákimdiginde qar tazalaý jumystaryn táýlik boıy baqylaıtyn kezekshilikter uıymdastyrylǵan.
Qazgıdromettiń boljaýy boıynsha búgin aýa temperatýrasy kúndiz mınýs 2 gradýsqa deıin bolady, jaýyp turǵan qar kúnniń sońyna qaraı toqtaıdy.
