Keshe aýa raıynyń nasharlaýyna baılanysty Qaraǵandy jáne Soltústik Qazaqstan oblystarynyń respýblıkalyq mańyzy bar avtojoldarynda kóliktiń barlyq túrleri úshin qozǵalys tolyǵymen jabyldy.
Sondaı-aq Aqmola jáne Qostanaı oblystaryndaǵy qala syrtyndaǵy tas joldarda Soltústik Qazaqstan oblysy baǵyty boıynsha avtomobıl qozǵalysy shektelgen. Pavlodar oblysynda Qaraǵandy jáne Aqmola oblystary baǵyty boıynsha qozǵalys shektelgen.
«Qazgıdromet» RMK derekteri boıynsha 13 qańtarda Shyǵys Qazaqstan, Jambyl, Mańǵystaý, Pavlodar jáne Túrkistan oblystarynda aýa raıynyń nasharlaýy kútilýde. IIM atalǵan aımaqtardyń turǵyndaryna uzaq saparlardan aýlaq bolýdy usynady jáne júrgizýshilerge qaýipsiz qozǵalys jyldamdyǵy men avtomobılder arasyndaǵy qashyqtyqty qatań saqtaý kerektigin eskertedi.
Eki kúnniń ishinde (10-11 qańtar) el joldarynda 35 JKO tirkelip, jeti adam qaza tapty, 50 adam túrli jaraqat aldy. Qar qursaýynan polısııa kúshimen 30-dan astam kólik evakýasııalandy.
