Shekesi torsyqtaı uldy týdyryp alýǵa Hleborobnoe aýylyndaǵy saılaý ýchaskesinde kezekshilikte turǵan polısııa qyzmetkeri Olga Qanǵýjına feldshermen birge belsene qatysyp, balanyń kindik sheshesi atandy. «Men áli kúnge deıin óz-ózime kele almaı júrmin. Qaıshyny dezınfeksııalap, balanyń kindigin ózim kestim. Torsyq sheke er bala ómirge keldi. О́ltirip alamyz ba dep jaman qoryqtym. Bala týǵannan keıin eshqandaı dybys shyǵarmady. Arqasynan qaqqannan keıin ǵana shyr ete tústi. Sonda ǵana qıyndyq artta qalǵanyn sezdim...», - deıdi bolǵan oqıǵa jaıly Olganyń ózi.
Polısııa qyzmetkeriniń ózi 11 jyl buryn óziniń qyzyn týǵan. Esine akýsher-dárigerlerdiń sol kezde aıtqandaryn túsirip, áıelden bosaný kezinde olardy oryndaýyn suraǵan. Sábı dúnıege kelgennen soń, birneshe mınýttan keıin aýdannan jedel járdem de kelip jetken. Aman-esen týǵan bóbegin baýyryna qysqan jas ana dáriger jáne polısııa kapıtanymen estelik sýretke de túsip úlgerdi.
«Shynymdy aıtsam, qatty qoryqtym. Alaıda qolymnan kele me, joq pa degen oı múldem bolǵan joq. Buǵan deıin tús kórdim. Túsimde meniń erjetken ulym bar eken. О́mir maǵan osyndaı synaq jiberedi degen oı múldem bolǵan emes», - deıdi polıseı. Osy oqıǵa jaıly bilgen áriptesteri oǵan bizdiń Saılaýbegimiz qalaı dep ázildeıtin kórinedi. Biraq ata-anasy balanyń esimin Danaly dep qoıypty. Qazir ol anasymen birge aýrýhanadan shyǵyp, úıine barýǵa daıyndalyp jatyr.
