Aımaqtar • 14 Qańtar, 2021

Aqmola oblysynda memlekettik qyzmet kórsetý sapasyna qatysty shaǵym azaıdy

13 ret kórsetildi

Memlekettik qyzmet isteri agenttiginiń Aqmola oblysy boıynsha departamenti óz qyzmetinde azamattardyń ótinishterin sapaly jáne ýaqtyly qaraýǵa erekshe den qoıady. Búgingi tańda oblysta memlekettik qyzmetterdi kórsetý sapasyna qatysty shaǵymdar sany tómendeýde, dep habarlaıdy Egemen.kz.

Mysaly, 2019 jyly azamattardyń ótinishteri negizinde 40 tekseris júrgizilse, 2020 jyly osy kórsetkish bar bolǵany 20-ny quraǵan.

«Árıne, mundaı qubylystyń týyndaýyna karantın jaǵdaıy da áser etti, degenmen turǵyndarymyz ózderiniń quqyqtaryn qorǵaý úshin ótinishterdi memlekettik organnyń keńsesi arqyly tapsyrýdan góri «Elektrondyq úkimet» veb-portalynyń elektrondyq ótinishter servısin paıdalanýda daǵdylaryn tanytty» - deıdi Departamenttiń memlekettik qyzmetterdi kórsetý basqarmasynyń bas mamany Nursultan Shytyrymbek.

Portal arqyly ótinish tapsyrý azamatqa onyń óziniń jeke kabıneti arqyly qaraý merzimderin baqylaýǵa, ótinish oryndaýshysy týraly málimetterge úıden shyqpaı-aq qol jetkizýge múmkindikter beredi.

Atap aıtqanda, 2020 jyly memlekettik qyzmet sapasyna qatysty Departamentke kelip túsken 38 ótinishtiń 27 elektrondyq nysanda túsken. Bul 71% quraıdy. Iаǵnı, bul kórsetkish azamattarymyzdyń sıfrlyq daǵdylarymen qatar quqyqtyq saýattylyǵy óte joǵary ekendigin kýálandyrady.

«Departament qyzmet kórsetý salasyndaǵy quqyq buzýshylyqtardyń saldaryn joıýdan buryn, olardyń aldyn alýǵa den qoıady. О́tken jyly osy saladaǵy zańnamany túsindirý boıynsha 332 is-shara uıymdastyryldy. Atqarylǵan jumystardyń nátıjesinde memlekettik qyzmet kórsetý merzimderiniń buzylý faktileri edáýir tómendep, tártiptik jaýapkershilikke tartylǵan tulǵalardyń sany azaıdy» - dep N.Shytyrymbek málimdep ótti.

Memlekettik qyzmetterdiń sapasyn arttyrý úzdiksiz jetildirý boıynsha jumys ári qaraı jalǵasady. Bul sala tek qana memlekettik organdardyń qatysýyn ǵana emes, barsha turǵyndarymyzdyń belseńdiligin qajet etedi.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar